মৰাণ, 9 ডিচেম্বৰ : বুধবাৰে নিশা অসম চিকিৎসা মহাবিদ্যালয় হাস্পতালত (Assam Medical College and hospital) ত উপস্থিত হয় কংগ্ৰেছৰ এটা প্ৰতিনিধি দল ৷ কংগ্ৰেছৰ এই প্ৰতিনিধি দলটোত আছে সাংসদ গৌৰৱ গগৈ, প্ৰদেশ কংগ্ৰেছৰ তত্বাৱধায়ক আৰু মণিপুৰ কংগ্ৰেছৰ তত্বাৱধায়কৰ নেতৃবৃন্দ ৷ নাগালেণ্ডৰ মন জিলাত সংঘটিত বৰ্বৰ গুলীচালনাৰ ঘটনাত আহত হোৱা ব্যক্তিসকলক সাক্ষাৎ কৰিবলৈ ডিব্ৰুগড়স্থিত অসম চিকিৎসা মহাবিদ্যালয়ত উপস্থিত হয় কংগ্ৰেছৰ এটা প্ৰতিনিধি দলটো (Gaurab Gogoi visited AMCH) ।
প্ৰকৃততে নাগালেণ্ডৰ মন জিলালৈ ৰাওনা হৈছিল কংগ্ৰেছৰ এই প্ৰতিনিধিৰ দলটো । কিন্তু যোৰহাটৰ ৰৰৈয়া বিমানবন্দৰত প্ৰশাসনে ঘটনাস্থলীলৈ যাবলৈ বাধা প্ৰদান কৰাত (Security forces have trapped Jitendra Singh) এই কাৰ্যসূচী বাতিল কৰিবলগীয়া হয় কংগ্ৰেছৰ দলটোৱে । অৱশেষত উপায়ন্তৰ হৈ অসম চিকিৎসা মহাবিদ্যালয়ত চিকিৎসাধীন হৈ থকা লোকসকলক সাক্ষাৎ কৰিবলৈ আহে কংগ্ৰেছৰ প্ৰতিনিধি দলটো ।
কিন্তু অসম চিকিৎসা মহাবিদ্যালয়তো অসম আৰক্ষীৰ বাধাৰ সন্মুখীন হ’ব লগা হয় কংগ্ৰেছৰ দলটোৱে ৷ মন জিলাত সংঘটিত বৰ্বৰ গুলীচালনাৰ ঘটনাত আহত হোৱা ব্যক্তিসকলক সাক্ষাৎ কৰিবলৈ বাধা প্ৰদান কৰাত ক্ষোভিত হৈ পৰে কংগ্ৰেছৰ প্ৰতিনিধি দলটো ৷ যাৰ ফলত উপায়ন্তৰ হৈ সাংসদ গৌৰৱ গগৈ (MP Gaurab Gogoi) ৰ সহিতে কংগ্ৰেছৰ প্ৰতিনিধি দলটোৱে অসম চিকিৎসা মহাবিদ্যালয়ৰ কৰ্তৃপক্ষৰ পৰা স্বাস্থ্যৰ বুজ লয় আঘাতপ্ৰাপ্ত দুই ব্যক্তিৰ ।
উল্লেখ্য যে, ঘটনাৰ নিশাই ডিব্ৰুগড়ৰ অসম চিকিৎসা মহাবিদ্যালয়ত সংকটজনক অৱস্থাত ভৰ্তি কৰোৱা হৈছিল মন জিলাৰ বৰ্বৰ গুলীচালনাৰ ঘটনাত আঘাতপ্ৰাপ্ত দুজন ক্ৰমে ৩০ বছৰীয়া জাৰ্গ কন্যাক আৰু ২৩ বছৰীয়া চাইলং কন্যাক । আঘাতপ্ৰাপ্ত দুয়োজন লোকে কয়লা খনিৰ শ্ৰমিক হিচাপে কাম কৰিছিল ।
লগতে পঢ়ক : ম'ন জিলালৈ যোৱাত ৰৰৈয়া বিমান বন্দৰতেই জীতেন্দ্র সিঙক বাধা নিৰাপত্তাৰক্ষীৰ
