মৰাণ, 9 নৱেম্বৰঃ কেইটামান দিনৰ পাছতে অনুষ্ঠিত হ'ব সদৌ অসম ছাত্ৰ সন্থাৰ দুলিয়াজান অধিবেশন । কেন্দ্ৰীয় অধিবেশনৰ প্ৰাকমুহূৰ্তত জিলাই জিলাই নিজৰ দলীয় ভেটি শক্তিশালী কৰিবলৈ তৎপৰ হৈছে ছাত্ৰ সন্থা । দেওবাৰে মৰাণৰ সমীসৰ ডিমৌ আঞ্চলিক ছাত্ৰ সন্থাৰ কেন্দ্ৰীয় গোটৰ সভাখন ডিমৌ 'আছু'ৰ মুখ্য কাৰ্যালয়ত অনুষ্ঠিত হয়।
কেন্দ্ৰীয় গোটৰ সভাপতি শিৱপ্ৰসাদ শইকীয়াৰ সভাপতিত্বত আৰম্ভ হোৱা সভাত সদৌ শিৱসাগৰ জিলা ছাত্ৰ সন্থাৰ উপ সভাপতি আদিত্য শৰ্মা,ডিমৌ আঞ্চলিক ছাত্ৰ সন্থাৰ সভাপতি গৌতম বড়া,সাধাৰণ সম্পাদক প্লাৱন বুঢ়াগোহাঁই উপস্থিত থাকি বক্তব্য আগবঢ়াই । এই সভাত ৪৫ জনীয়া সদস্যৰে ডিমৌ কেন্দ্ৰীয় প্ৰাথমিক গোটটো নৱীকৰণ কৰি গঠন কৰা হয় আৰু সকলোৰে সৰ্বসন্মতি সপক্ষে সভাপতিৰ দায়িত্ব শিৱপ্ৰসাদ শইকীয়া আৰু সাধাৰণ সম্পাদক মানস প্ৰতিম বড়াক অৰ্পণ কৰা হয়।
লগতে চাওকঃ বিজেপিৰ কাৰ্যকালত সম্প্ৰদায়িক সংঘৰ্ষ হোৱা নাই: ৰণজিৎ দাস
