মৰাণ, 4 নবেম্বৰ : অবৈধ সুৰাৰ ব্যৱসায় বন্ধ কৰিবলৈ চেষ্টা অব্যাহত ৰাখিছে ডিব্ৰুগড়ৰ আবকাৰী বিভাগে । শাৰদীয় দুৰ্গা পূজাৰ সময়ত জিলাখনত ড্ৰাই দে’ ঘোষণা কৰে আবকাৰী বিভাগে ৷ চাহবাগান , গ্ৰাম্যাঞ্চল, বজাৰ অঞ্চলৰ সকলোতে আবকাৰী বিভাগে অবৈধ সুৰাৰ বিৰুদ্ধে অভিযান চলাই বহু পৰিমাণৰ সুৰা জব্দ কৰিবলৈ সক্ষম হৈছে ।
জিলাখনৰ আবকাৰী বিভাগে মঙলবাৰে ৰাতি বগীবিল দলং, বৰবৰুৱা আদি বিভিন্ন ঠাইৰ এলেকাত অবৈধ সুৰা ব্যৱসায়ৰ বিৰুদ্ধে অভিযান চলাই ৫০ লিটাৰ চুলাই মদ আৰু ৭ লিটাৰ বিদেশী সুৰাৰ লগতে কেইবা বটল বীয়েৰ জব্দ কৰে ৷
আবকাৰী দলটোৱে বহু কেইখন গাড়ীত তালাচী চলাই সুৰা জব্দ কৰা বুলি জানিব পৰা গৈছে । ডিব্ৰুগড় জিলাৰ বিভিন্ন ঠাইত এই অবৈধ সুৰাৰ বিৰুদ্ধে অভিযান চলি থাকিব বুলি আবকাৰী বিষয়াই জানিবলৈ দিয়ে ।
লগতে পঢ়ক : চোকা অস্ত্ৰৰে ঘপিয়াই মাতৃক হত্যা কৰিলে পুত্ৰই
