মৰাণ, 17 জুলাই : যি সময়ত সহজ পথেৰে ধন ঘটাৰ প্ৰতিযোগিতাত একাংশ নৱ প্ৰজন্মই ব্যস্ত হৈ পৰিছে তেনে সময়তে পিঠিত বন্দুক, হাতত কোৰ আৰু পাৱাৰ টিলাৰ লৈ পথাৰত নামিল অসম আৰক্ষীৰ এদল জোৱান ৷
নৱপ্ৰজন্মক কৃষিকৰ্মৰ প্ৰতি আকৰ্ষিত কৰাৰ উদ্দেশ্যে এইবাৰ দেহৰক্ষীসহ পথাৰত নামিল নামৰূপৰ এজন উপ-আৰক্ষী অধীক্ষক(DSP of Namrup busy in paddy field) । তেওঁ হৈছে নামৰূপৰ উপ-আৰক্ষী অধীক্ষক নৱ কুমাৰ বৰা । কৰ্ম ব্যস্ততাৰ মাজতো আৰক্ষী বিষয়াগৰাকী এতিয়া ব্যস্ত হৈ পৰিছে কৃষি কৰ্মত ৷
আৰক্ষী বিষয়াগৰাকীয়ে নৱ প্ৰজন্মক কৃষিৰ প্ৰতি আকৰ্ষিত কৰিবৰ বাবে এতিয়া দেহৰক্ষীসহ জয়পুৰৰ লেবাংকোলা পথাৰত হাল বোৱা আৰু ভুঁই ৰোৱাত ব্যস্ত হৈ পৰিছে ৷ আৰক্ষী বিষয়াগৰাকীয়ে জানিবলৈ দিয়া মতে, অসমীয়া ডেকাই খেতিৰ জৰিয়তেহে পথাৰ আৰু বজাৰ দখল কৰিব পাৰিব । কৃষি কৰ্মৰ প্ৰতি নৱ প্ৰজন্মক আকৰ্ষিত কৰিবলৈ আৰক্ষী বিষয়াগৰাকীয়ে কৰ্ম ব্যস্ততাৰ মাজতো এনেদৰে কৃষিকৰ্মত ব্যস্ত হৈ পৰা পদক্ষেপে নৱপ্ৰজন্মক কেনে প্ৰভাৱ পেলাব সেয়া সময়েহে ক'ব ৷
লগতে পঢ়ক : Silkworm rearing at Tingkhong: এড়ী-মুগা-নুনি পলু পালনেৰে স্বাৱলম্বী টিংখাঙৰ এখন গাঁৱৰ মহিলাসকল
