ডিব্ৰুগড়, 25 নৱেম্বৰঃ বিগত 19 নৱেম্বৰৰ সন্ধিয়া ডিব্ৰুগড় চহৰত সংঘটিত হৈছিল এক চাঞ্চল্যকৰ হত্যাকাণ্ড ৷ এটা আটা মিলৰ মুখ্য কৰ্মচাৰী ওম প্ৰকাশ আগৰৱালাক দুবৃত্তই পথতে চোকা অস্ত্ৰৰে আক্ৰমণ কৰাৰ লগতে গুলিয়াই হত্যা কৰে ৷ ইতিমধ্যে ডিব্ৰুগড়ৰ আৰক্ষী অধীক্ষক গৌতম বৰাৰ লগতে কেইবাজনো জেষ্ঠ আৰক্ষীৰ তৎপৰতাত তীব্ৰ গতিত আগবাঢ়িছে তদন্ত প্ৰক্ৰিয়া ৷ বৰ্তমানলৈ আটক কৰা হৈছে 24 জনকৈ লোকক ৷ আটক কৰা লোকসকল পূৰ্বেও বহু অপৰাধজনিত ঘটনাসমূহ বিশ্লেষণ কৰাৰ লগতে মোবাইল ট্ৰেকিঙৰ ব্যৱস্থাও আৰক্ষীৰ তদন্ত প্ৰক্ৰিয়াত এক গুৰুত্বপূৰ্ণ আহিলা হিচাপে ব্যৱহাৰ কৰা হৈছে ৷
আৰক্ষীয়ে জনোৱা অনুসৰি বাইকেৰে পিচ লৈ আহি হত্যা কৰা হোৱা নাছিল ওম প্ৰকাশ আগৰৱালাক ৷ পূৰ্বৰে পৰা খাপ পিতি ঘটনাস্থলীতে ওম প্ৰকাশলৈ অপেক্ষা কৰি আছিল ঘাটকৰ দলে ৷ তদন্তৰ গতি আগবাঢ়ি যোৱাৰ পাছতে এই কথা একপ্ৰকাৰ নিশ্চিত হৈছে ডিব্ৰুগড় আৰক্ষী ৷ এই হত্যাকাণ্ড সূত্ৰৰ ক্ষেত্ৰত কিছু অসুবিধা হোৱাৰ বাবেই সময়ৰ প্ৰয়োজন হোৱা বুলি কয় যদিও সফলতাৰ দিশে আগবঢ়া বুলি জানিবলৈ দিয়ে আৰক্ষীয়ে ৷
