ডিব্ৰুগড়, 14 নৱেম্বৰ: দিনক দিনে জনাঞ্চলত বৃদ্ধি পাইছে বাঘৰ আতংক ৷ এইবাৰ ডিব্ৰুগড়ৰ চানমাৰিত বাঘে চলালে তাণ্ডৱ ৷ মেহতাব আহমেদ নামৰ এজন লোকৰ পাকঘৰত সোমাল বনৰজা ৷
এমামুদ্দিন আহমেদ নামৰ যুৱক এজনৰ ওপৰত আক্ৰমণ চলালে নাহৰফুটুকীটোৱে ৷ গুৰুতৰভাৱে আহত হৈছে যুৱকজন ৷ তীব্ৰ আতংকই বিৰাজ কৰিছে অঞ্চলবাসীৰ মাজত ৷
উল্লেখ্য যে, ইয়াৰ পূৰ্বেও ডিব্ৰুগড় চহৰত দুবাৰকৈ বাঘে চলাইছিল আতংক ৷ ডিব্ৰু ছৈখোৱাৰ পৰা অহা বন বিভাগৰ লোকে ট্ৰেংকুলাইজ কৰিছিল পূৰ্বৰ বাঘ দুটা ৷ আজি পুনৰ সংঘটিত হৈছে তৃতীয়টো ঘটনা ৷ বন বিভাগে জানিবলৈ দিয়া মতে এইবাৰ,বাঘটো নিয়ন্ত্ৰণ কৰিবলৈ কাজিৰঙাৰ পৰা অনা হ'ব বিশেষজ্ঞৰ দল ৷
ডিব্ৰুগড়ৰ চানমাৰিত বাঘৰ আতংক
