ডিব্ৰুগড়ত ট্ৰেভেলাৰে মহতীয়ালে দুখন বাইক : আহত 2

পুনৰ নিয়ন্ত্ৰণ হেৰুৱা ট্ৰেভেলাৰখনে বিপৰিত দিশত বাইক দুখনৰ পিচত থকা RJ 47GA 7858 নম্বৰৰ ট্ৰাকখনক তীব্ৰ বেগত খুণ্ডা মাৰে।

ডিব্ৰুগড়, 7 ডিচেম্বৰ: পুনৰ ট্ৰেভেলাৰৰ বাবে শনিবাৰে ডিব্ৰুগড়ত সংঘটিত হয় ভয়াৱহ পথ দুৰ্ঘটনা । ডিব্ৰুগড়ৰ দক্ষিণ আমোলাপট্টিত AS 06 BC 3622 নম্বৰৰ ট্ৰেভেলাৰ এখনে নিয়ন্ত্ৰণ হেৰুৱাই বিপৰীত দিশৰ পৰা আহি থকা দুখন বাইকক মহতীয়াই লৈ যায় ৷ পুনৰ নিয়ন্ত্ৰণ হেৰুৱা ট্ৰেভেলাৰখনে বিপৰীত দিশত বাইক দুখনৰ পিচত থকা RJ 47GA 7858 নম্বৰৰ ট্ৰাকখনক তীব্ৰ বেগত খুণ্ডা মাৰে। ঘটনাটোত বাইকত অহা দুয়োজন আৰোহীকে সংকটজনক অৱস্থাত চিকিৎসালয়লৈ প্ৰেৰণ কৰা হয়। প্ৰত্যক্ষ দৰ্শীৰ ভাষ্য অনুসৰি ট্ৰেভেলাৰ চালকজনে সুৰাপান কৰি ট্ৰেভেলাৰখন অনিয়ন্ত্ৰীত ভাৱে চলাই অহাৰ বাবেই এই দুৰ্ঘটনাটো সংঘটিত হয়। ঘটনা সংঘটিত কৰিয়ে পলায়ন কৰে ট্ৰেভেলাৰ চালকজনে ৷