মৰাণ, ৩ জুন: ক্ৰীড়া আৰু যুৱ কল্যাণ মন্ত্ৰী বিমল বৰাৰ নিৰ্দেশৰ পিচতেই খনিকৰলৈ স্থানান্তৰ কৰা হ'ল ডিব্ৰুগড় জিলাৰ ক্ৰীড়া বিষয়াৰ কাৰ্যালয় । খনিকৰত নিৰ্মাণ কৰি থকা হৈছে আন্তঃৰাষ্ট্ৰীয় পৰ্যায়ৰ বহুমুখী ক্ৰীড়া প্ৰকল্প । কেইদিনমান পূৰ্বে এই আন্তঃৰাষ্ট্ৰীয় পৰ্যায়ৰ বহুমুখী ক্ৰীড়া প্ৰকল্পৰ নিৰ্মাণ কাৰ্য পৰিদৰ্শন কৰিছিল মন্ত্ৰী বিমল বৰাই ।
প্ৰকল্পটোত উপস্থিত হৈ মন্ত্ৰী বিমল বৰাই নিৰ্মাণৰ দায়িত্বত থকা বিষয়াসকলৰ লগত এক গুৰুত্বপূৰ্ণ বৈঠকত মিলিত হয় । এই বৈঠকত অতি কম দিনৰ ভিতৰতে প্ৰকল্পৰ কাম শেষ কৰাৰ নিৰ্দেশ দিছিল মন্ত্ৰীগৰাকীয়ে । লগতে মন্ত্ৰীজনে ডিব্ৰুগড় জিলাৰ ক্ৰীড়া বিষয়াৰ কাৰ্যালয়টো খনিকৰ ক্ৰীড়া প্ৰকল্পৰ নিৰ্মাণস্থলীলৈ আনি বিষয়াসকলক বিভাগীয় কাম-কাজ কৰিবলৈ নিৰ্দেশ দিছিল । ইয়াৰ পাছতে ডিব্ৰুগড় জিলাৰ ক্ৰীড়া বিষয়াৰ কাৰ্যালয়টো খনিকৰলৈ স্থানান্তৰ কৰা হয় ।
লগতে পঢ়ক:ড৹ লক্ষ্মীনন্দন বৰাৰ বিয়োগত ড৹ নগেন শইকীয়াৰ শোক প্ৰকাশ
