ডিব্ৰুগড়,১৮ মে': ক'ভিড সংক্ৰমণে ভয়াৱহ ৰূপ ধাৰণ কৰিছে ডিব্ৰুগড় জিলাত । সোমবাৰৰ দিনটোত জিলাখনত কৰ'ণাত আক্ৰান্ত হৈ ৫ গৰাকী লোকৰ মৃত্যু হয় । আনহাতে আক্ৰান্তৰ সংখ্যাও বৃদ্ধি হৈছে জিলাখনত ।
বিগত ২৪ ঘণ্টাত নতুনকৈ ৪৪২ গৰাকী লোক কৰ'ণাত আক্ৰান্ত হোৱা বুলি জানিব পৰা গৈছে । শনিবাৰ আৰু দেওবাৰে আক্ৰান্তৰ সংখ্যা কিছু হ্ৰাস পাইছিল যদিও পুনৰ বৃদ্ধি হৈছে আক্ৰান্তৰ সংখ্যা । শনিবাৰে আক্ৰান্ত হৈছিল ২৪৭ গৰাকী আৰু দেওবাৰে আক্ৰান্ত হৈছিল ২৫৮ গৰাকী ।
ইয়াৰ লগে লগে জিলাখনত মুঠ আক্ৰান্তৰ সংখ্যা ৮,০৫৮ জনলৈ বৃদ্ধি হয় । আনহাতে মৃত্যুৰ সংখ্যা ৮৯ জনলৈ বৃদ্ধি পালে ।
লগতে পঢ়ক: নলবাৰীৰ ভাইৰেল ভিডিঅ' সন্দৰ্ভত প্ৰতিক্ৰিয়া চিকিৎসালয়ৰ অধীক্ষকৰ
