টিংখাং,9 অক্টোবৰ: ডিব্ৰুগড়ৰ টিংখাঙৰ ডিৰাই অঞ্চলত এগৰাকী বোৱাৰীৰ ৰহস্যজনক নিৰুদ্দেশক লৈ তীব্ৰ চাঞ্চল্য ৷ ঘটনাৰ সন্দৰ্ভত মহিলা গৰাকীৰ স্বামীয়ে স্থানীয় বৰবাম আৰক্ষী চকীত এজাহাৰ দাখিল কৰিছে যদিও বৰ্তমানো শুংসূত্ৰ লাভ কৰা নাই বোৱাৰী গৰাকীৰ ৷
উল্লেখ্য যে,2 অক্টোবৰৰ পৰা টিংখাঙৰ বৰবাম আৰক্ষী চকীৰ অন্তৰ্গত ডিৰাই চাহ বাগিচাৰ ভূঞা লাইনৰ নিৱাসী ৰাজীৱ বৰাৰ পত্নী ধৰিত্ৰী কলিতা বৰা ওৰফে দীপা (22) ৰহস্যজনকভাৱে নিৰুদ্দেশ হৈ আছে । তিনি বছৰীয়া কন্যা সন্তানৰ মাতৃ দীপাৰ নিৰুদ্দেশক লৈ স্থানীয় ৰাইজৰ মাজত ৰহস্যৰ সৃষ্টি হৈছে ৷
কোনো লোকে বোৱাৰী গৰাকীৰ সন্ধান লাভ কৰিলে 7664903184 নম্বৰত যোগাযোগ কৰিবলৈ আহ্বান জনাইছে স্বামী ৰাজীৱ বৰাই । আনহাতে,বোৱাৰী গৰাকীৰ উদ্ধাৰৰ ক্ষেত্ৰত আৰক্ষী প্ৰশাসনক শীঘ্ৰেই ব্যৱস্থা গ্ৰহণৰ দাবী জনাইছে স্থানীয় আটছা নেতা প্ৰণৱ এক্কাই ৷
লগতে পঢ়ক: বঙাইগাঁৱত ভাৰপ্ৰাপ্ত আৰক্ষী বিষয়াসহ দুই আৰক্ষী জোৱান আটক
