মৰাণ,২২ মাৰ্চ: এইবাৰ বিধানসভা নিৰ্বাচনত ভোটাধিকাৰ সাব্যস্ত কৰাৰ ক্ষেত্ৰত ৰাইজক সজাগ কৰাৰ বাবে কেতবোৰ সজাগতামূলক কাৰ্যসূচী গ্ৰহণ কৰিছে ডিব্ৰুগড় জিলা প্ৰশাসনে ।
গণতান্ত্ৰিক অধিকাৰ সাব্যস্ত কৰাৰ প্ৰয়োজনীয়তাৰ বিষয়ে ৰাইজে যাতে অৱগত হয়, তাৰ বাবে প্ৰশাসনে প্ৰয়াস কৰিছে ৷ সেয়ে সোমবাৰে ডিব্ৰুগড় জিলা প্ৰশাসনৰ SVEEP কোষৰ উদ্যোগত এক চাইকেল ৰেলী উলিওৱা হয় ।
চৌকিডিঙি খেলপথাৰৰ পৰা উলিওৱা এই সজাগতামূলক চাইকেল ৰেলীত বিভিন্ন স্থানৰ পৰা অহা যুৱক-যুৱতীয়ে অংশগ্ৰহণ কৰে ।
এই অনুষ্ঠানত উপস্থিত থাকে জিলা SVEEP আইকণ তথা বিশিষ্ট খো-খো খেলুৱৈ সুপ্ৰিয়া গগৈ, সহকাৰী আয়ুক্ত কুইন গগৈ, স্বাস্থ্য বিভাগৰ যুটীয়া সঞ্চালকৰ লগতে বহু কেইগৰাকী বিশিষ্ট ব্যক্তি ।
লগতে পঢ়ক: বিজেপিৰ বিৰুদ্ধে অনুসূচীত জাতিৰ প্ৰতিবাদ
