ডিব্ৰুগড়, 5 জানুৱাৰী : আগন্তুক বিধানসভা নিৰ্বাচনলৈ মাজত কেইটামান মাহ বাকী থকাৰ সময়তে নিৰ্বাচনী ৰণকৌশলত নামি পৰিছে শাসকীয় দল বিজেপি চৰকাৰ ৷ মঙলবাৰে ডিব্ৰুগড়ৰ ইণ্ডিয়া ক্লাবত ডিব্ৰুগড়ৰ 7 টা সমষ্টিৰ ভাৰতীয় জনতা পাৰ্টীৰ কৰ্মকৰ্তাৰ সকলৰ লগত এখনি গুৰুত্বপূৰ্ণ কাৰ্যকৰ্তা মত বিনিময় অনুষ্ঠানত অংশগ্ৰহণ কৰে ৰাষ্ট্ৰীয় উপ-সভাপতি তথা ৰাজ্যিক প্রভাৰী বৈজয়ন্ত জয় পাণ্ডাই ।
অনুষ্ঠানত কেন্দ্ৰীয় মন্ত্ৰী ৰামেশ্বৰ তেলীৰ লগতে বিধায়ক প্ৰশান্ত ফুকন, ঋতুপৰ্ণ বৰুৱা আদিকে কৰি ডিব্ৰুগড়ৰ 7 টা সমষ্টিৰ কাৰ্যকতা উপস্থিত থাকে । প্ৰতি গৰাকী বিধায়কৰ সৈতে পৃথকে পৃথকে গুৰুত্বপূৰ্ণ আলোচনাত মিলিত হয় ৰাজ্যিক প্ৰভাৰী গৰাকীয়ে ।
ইফালে, আগন্তুক নিৰ্বাচনত ৰাজ্যত 100+ আসন লাভ কৰি পুনৰ ৰাজ্যত ভাৰতীয় জনতা পাৰ্টীৰ চৰকাৰ গঠন কৰা হ'ব বুলি ৰাজ্যিক প্ৰভাৰী গৰাকীয়ে মন্তব্য দাঙি ধৰে সংবাদ মাধ্যমৰ আগত । লগতে, 'কা' বিৰোধী আন্দোলন আৰু ৰাজ্যৰ নতুন আঞ্চলিক ৰাজনৈতিক দলে ভাৰতীয় জনতা পাৰ্টীৰ ওপৰত কোনো প্ৰভাৱ নপৰে বুলিও স্পষ্ট মত দাঙি ধৰে ৰাজ্যিক প্ৰভাৰী গৰাকীয়ে ।
লগতে পঢ়ক : কেম্প ফায়াৰৰে সামৰণি পৰিল চানডুবি মহোৎসৱৰ
