টিংখাং,২২ মাৰ্চ: হৰিনামৰ ধ্বনিৰে মুখৰিত ডিব্ৰুগড়ৰ টিংখাঙৰ ঔগুৰি বৰ নামঘৰ । টিংখাঙৰ বিজেপি মিত্ৰজোঁটৰ প্ৰাৰ্থী বিমল বৰাৰ মংগল কামনাৰে নাম-প্ৰসংগ কৰিলে ৰাইজে । বিগত পাঁচ বছৰে টিংখাং সমষ্টিৰ উন্নয়নৰ হকে আগবঢ়োৱা অৱদানৰ বাবে আকৌ এবাৰ বিমল বৰাক বিধায়ক হিচাপে নিৰ্বাচিত হোৱাটো কামনা কৰিছে টিংখাঙৰ ৰাইজে ।
সেয়ে, টিংখাঙৰ ঔগুৰিৰ বৰ নামঘৰত নৈবেদ্য আগবঢ়াই ভগৱানৰ ওচৰত ৰাইজে সেৱা জনালে । বিমল বৰাই দ্বিতীয়বাৰৰ বাবে পুনৰ বিধানসভা নিৰ্বাচনত বিজয়ী হোৱাৰ কামনাৰে এনেদৰে ধৰ্মীয় অনুষ্ঠানৰ আয়োজন কৰি ৰাইজে ঈশ্বৰৰ শৰণাপন্ন হৈছে । আনহাতে, ৰাইজৰ এনে পদক্ষেপে বিজেপি প্ৰাৰ্থীগৰাকীৰ জনপ্ৰিয়তাৰ বিষয়ে আভাষ পোৱা গৈছে ।
লগতে পঢ়ক: সীমা সমস্যা সমাধানৰ প্ৰতিশ্ৰুতি নন্দিতা দাসৰ
