ডিব্ৰুগড়,23 আগষ্টঃ অসমৰ চাহৰ নামত বহিঃৰাজ্যত চলিছে অসাধু ব্যৱসায় ৷ দিল্লী,মুম্বাই ,দক্ষিণ ভাৰতত অসমৰ চাহৰ নাম লৈ একাংশই চলাই আহিছে অসাধু ব্যৱসায় ৷ যাৰ বাবে অসমৰ চাহৰ গুণগত মান ৰাষ্ট্ৰীয় আন্তঃৰাষ্ট্ৰীয় বজাৰত ম্লান পৰা বুলি অভিযোগ আহিব ধৰিছে। দেশৰ সেই ডাঙৰ ডাঙৰ চহৰৰ মলত অসম চাহৰ টেগ লগাই বিক্ৰী কৰা হৈছে গুণগত মানহীন চাহ।য'ত অসমৰ চাহৰ সামান্য পৰিমাণো মিহলি নাথাকে। ইফালে অসমৰ চাহৰ মান নষ্ট কৰা সন্দৰ্ভত নিমাত অসমৰ চৰকাৰ-প্ৰশাসন ৷ এই মন্তব্য় "Assam Bought Leaf Tea Manufacture Association(ABLTMA) "ৰ বিষয়ববীয়াৰ ৷
আন্তঃৰাষ্ট্ৰীয় বজাৰত অসমৰ চাহৰ চাহিদা নিম্নমুখী কৰাত সহায় কৰা এই জালিয়াতিক লৈ উদ্বিগ্ন ABLTMA। উল্লেখ্য যে, অসমৰ কোনো চাহ ফেক্টৰীয়ে প্ৰতি কিলোগ্ৰাম চাহপাত 120 টকাৰ কমত বিক্ৰী কৰিব নোৱাৰে তেন্তে মুম্বাই দিল্লীৰ দৰে ডাঙৰ ডাঙৰ চহৰৰ মলত অসমৰ চাহৰ টেগ লগাই 140 টকাতে কেনেকৈ বিক্ৰী কৰি আছে সেই কথা চৰকাৰক জনাইও কোনা সমাধান নোপোৱাৰ অভিযোগ তুলিছে সংস্থাটোৱে ৷ ডিব্ৰুগড়ত সংবাদমেল যোগে নিজৰ প্ৰতিক্ৰিয়া প্ৰকাশ কৰিছে ABLTMA ৰ বিষয়ববীয়াই।
