মৰাণ, 17 ছেপ্টেম্বৰ : দেশৰ প্ৰধানমন্ত্ৰী নৰেন্দ্ৰ মোডীৰ জন্মদিন উপলক্ষে বৃহস্পতিবাৰে অসম প্ৰদেশ বিজেপিৰ উদ্যোগত ৰাজ্যখনৰ ৭০ গৰাকী লোকশিল্পীক বিশেষ সম্বৰ্ধনা জনোৱা হয় । গুৱাহাটীৰ কলাক্ষেত্ৰ অনুষ্ঠিত এক গাম্ভীৰ্যপূৰ্ণ অনুষ্ঠানত মুখ্যমন্ত্ৰী সৰ্বানন্দ সোণোৱালে সম্বৰ্ধনা জনায় ৭০ গৰাকী বিশিষ্ট শিল্পীক ৷
এই সম্বৰ্ধনা অনুষ্ঠানত সম্বৰ্ধনা গ্ৰহণ কৰে মৰাণ সমষ্টিৰ এগৰাকী সাংস্কৃতিক শিল্পী, বৰ বিহুৱা , বিহুৰ বিচাৰক, একালৰ ভ্ৰাম্যমান থিয়েটাৰৰ বলিষ্ঠ অভিনেতা জীৱন ঘৰফলীয়াই । মৰাণ বিধানসভা সমষ্টিৰ খোৱাং মাউতনি গাঁৱৰ নিবাসী জীৱন ঘৰফলীয়াক সম্বৰ্ধনা জনায় মুখ্যমন্ত্ৰী সোণোৱালে ।
চৰকাৰী সাহায্যৰ পৰা বঞ্চিত হৈ থকা শিল্পীজনক দেশৰ প্ৰধানমন্ত্ৰীৰ জন্মদিনৰ দিনটোতে চৰকাৰে সম্বৰ্ধনা জনোৱাত পৰিয়ালৰ লগতে মৰাণৰ ৰাইজ উৎফুল্লিত হৈ পৰিছে । মৰাণৰ বিধায়ক চক্ৰধৰ গগৈয়েও তেওঁক শুভেচ্ছা প্ৰদান কৰা বুলি শিল্পীজনে জানিবলৈ দিয়ে ।
লগতে পঢ়ক : ৰূপহীহাটৰ বিধায়ক নুৰুল হুদা পৰজীৱী উদ্ভিদঃ AIUDF
