ঘৰৰ ভিতৰত ভাত ৰান্ধি থাকিলে এতিয়া আৰু নহ'ব, ৰাইজ ওলাই আহক : অখিল গগৈ

11 ডিচেম্বৰত অসম অচল কৰিবলৈ আহ্বান অখিল গগৈৰ ৷ কাইলৈ অসমৰ সমগ্ৰ ৰাইজক ৰাজপথলৈ ওলাই আহি অসমৰ প্ৰশাসন ব্যৱস্থাক অচল কৰি দিবলৈ আহ্বান অখিল গগৈৰ ৷

ডিব্ৰুগড়,10 ডিচেম্বৰঃ কাইলৈ অৰ্থাৎ 11 ডিচেম্বৰত অসম অচল কৰি দিবলৈ আহ্বান জনালে অখিল গগৈয়ে । ৰাজ্যৰ সমগ্ৰ প্ৰশাসনিক ব্যৱস্থাক অচল কৰি দিবলৈ আহ্বান ৰাজ্যবাসীক ।

অসমৰ ৰে'লপথ,ৰাজপথ,বিমান,চৰকাৰী প্ৰত্যেকটো কাৰ্যালয় অচল কৰি প্ৰতিবাদ গঢ়ি তুলিবলৈ আহ্বান অখিলৰ । মুখ্যমন্ত্ৰীৰ গৃহ জিলাৰ পৰা অসমৰ ৰাইজলৈ এই আহ্বান জনায় অখিল গগৈয়ে ৷ "ঘৰৰ ভিতৰত ভাত ৰান্ধি থাকিলে এতিয়া আৰু নহ'ব, ৰাইজ ওলাই আহক" ধ্বনিৰে ৰাজপথ উত্তাল কৰি তোলে অখিল গগৈয়ে ৷ ডিব্ৰুগড়ত ঠায়ে ঠায়ে হৈ থকা প্ৰতিবাদত অংশ গ্ৰহণ কৰি 11 তাৰিখে ৰাতিপুৱা ৰাজ্যসভাত সম্পূৰ্ণৰূপে কেব গৃহীত হোৱাৰ সম্ভাৱনাৰ প্ৰতি লক্ষ্য ৰাখি, ৰাজ্যবাসীক এইদৰে ওলাই আহিবলৈ আহ্বান অখিল গগৈৰ ৷

লগতে পঢ়কঃCAB ৰ বিৰুদ্ধে প্ৰতিবাদত নামিল তৰুণ গগৈ