মৰাণ,2 নৱেম্বৰ: অসম চৰকাৰৰ লোক নিৰ্মাণ বিভাগৰ দ্বাৰা অসমৰ চাহ বাগিচা সমূহত ১১৯ খন আদৰ্শ বিদ্যালয় স্থাপনৰ পৰিকল্পনা কৰিছে সোণোৱাল চৰকাৰে । ইয়াৰে ৩ খন বিদ্যালয় স্থাপন হ'ব মৰাণৰ তিনিখন চাহ বাগিচাত । দেওবাৰে মৰাণৰ বিধায়ক চক্ৰধৰ গগৈয়ে দিখাৰি জিলা পৰিষদৰ অন্তৰ্ভুক্ত তিলৈজান চাহ বাগিচাত এখন আদৰ্শ বিদ্যালয়ৰ আধাৰশিলা স্থাপন কৰে । বাগিচাৰ ৰাইজৰ উপস্থিতিত তিলৈজান চাহ বাগিচাত বিধায়ক চক্ৰধৰ গগৈয়ে ফিটা কাটি বিদ্যালয়ৰ নিৰ্মাণ কাৰ্য শুভাৰম্ভ কৰে ।
অনুষ্ঠানটোত উপস্থিত থকা বিভাগীয় অভিযন্তা গৰাকীয়ে কয়,অহা ফেব্ৰুৱাৰীৰ পৰা মাৰ্চ মাহৰ ভিতৰতে নিৰ্মাণ কাৰ্য সম্পূৰ্ণ কৰি বিদ্যালয় খন ছাত্ৰ-ছাত্ৰীৰ হাতত গতাই দিয়াৰ পৰিকল্পনা তথা সিদ্ধান্ত গ্ৰহণ কৰিছে বিভাগীয় কৰ্তৃপক্ষই । অনুষ্ঠানটোত স্থানীয় কেইবাগৰাকীও শিক্ষা ক্ষেত্ৰৰ লগত জড়িত গণ্য মান্য ব্যক্তিৰ লগতে চাহ বাগিচাখনৰ দুজনকৈ পৰিচালক আৰু দলীয় কৰ্মীৰ সকল উপস্থিত থাকে ।
লগতে পঢ়ক: সোমবাৰৰ পৰা পাঠদান আৰম্ভ হ’ব ৰাজ্যৰ শিক্ষানুষ্ঠানত
