মৰাণ,৯ ছেপ্টেম্বৰ : ডিব্ৰুগড় জিলা আছুৰ ৰাজগড় আঞ্চলিক ছাত্ৰ সন্থাৰ বিংশতিতম সাধাৰণ অধিবেশন আৰম্ভ হৈছে (Rajgarh AASU meeting)। বৃহস্পতিবাৰৰ পৰা দুদিনীয়া কাৰ্যসূচীৰে ৰাজগড়ৰ ৰঙাবননি ৰংপুৰ প্ৰাথমিক বিদ্যালয়ৰ প্ৰাংগণত অনুষ্ঠিত হয় এই অধিবেশন । প্ৰথম দিনাৰ কাৰ্যসূচীত সদৌ অসম ছাত্ৰ সংস্থাৰ পতাকা উত্তোলন ,স্মৃতি তৰ্পণ, বিয়ানাম আৰু দিহানাম প্ৰতিযোগিতা অনুষ্ঠিত হয় । ইয়াৰ উপৰিও ৰাজগড় উচ্চতৰ মাধ্যমিক বিদ্যালয়ত আছুৰ নৱ নিৰ্মিত শ্বহীদ বেদী উন্মোচন কৰে ডিব্ৰুগড় জিলা ছাত্ৰ সন্থাৰ সভাপতি বুবুল দত্তই ।
৮ আৰু ৯ ছেপ্টেম্বৰত আয়োজিত এই বিংশতিতম সাধাৰণ অধিবেশনৰ আজি অন্তিম দিন (20th General Meeting of Rajgarh AASU)। অন্তিম দিনটোত বিভিন্ন ধৰণৰ কাৰ্যসূচী অনুষ্ঠিত হ'ব । পুৱাই বাছনি সভা অনুষ্ঠিত হয় । ইয়াৰ পাছতে দিনটোৰ কাৰ্যসূচী অনুসৰি অনুষ্ঠিত হ'বলগীয়া মুকলি সভাত উপস্থিত থাকিব সদৌ অসম ছাত্ৰ সন্থাৰ সাধাৰণ সম্পাদক শংকৰজ্যোতি বৰুৱাৰ লগতে উপদেষ্টা উদ্দীপজ্যোতি গগৈ আৰু সংগঠনটোৰ কেইবাগৰাকী কেন্দ্ৰীয় নেতা ।
বাৰেৰহণীয়া অনুষ্ঠানৰ লগতে অধিবেশনৰ সাংস্কৃতিক অনুষ্ঠানত অসমৰ কেইবাজনো জনপ্ৰিয় কণ্ঠশিল্পীয়ে কণ্ঠদান কৰিব । ইফালে অধিবেশনৰ সফল সামৰণিৰ বাবে ৰাইজৰ সহযোগিতা কামনা কৰিছে ৰাজগড় আঞ্চলিক ছাত্ৰ সন্থাৰ বিষয়ববীয়াসকলে ।
লগতে পঢ়ক :অসমীয়া সাহিত্যত মহিলা সাহিত্যিকৰ অৱদান আন ৰাজ্যৰ তুলনাত অধিক: য়েছে দৰজে ঠংছি
