ধুবুৰী, 11 অক্টোবৰ: দক্ষিণ শালমাৰাৰ বালাডুবাত আৰক্ষীৰ অভিযানত জব্দ বহু পৰিমাণৰ বিলাতী সুৰা ৷ জব্দকৃত সুৰাখিনিৰ লগতে আৰক্ষীয়ে দুজন সুৰা ব্যৱসায়ীকো গ্ৰেপ্তাৰ কৰিবলৈ সক্ষম হয় ৷ দক্ষিণ শালমাৰাৰ জিনজিৰাম নদীত চলাচল কৰা এখন নাৱত আৰক্ষীয়ে অভযান চলাই সুৰাখিনি জব্দ কৰিবলৈ সক্ষম হয় ৷
কোনো গোপন সুত্ৰই প্ৰদান কৰা তথ্যৰ ভিত্তিত দক্ষিণ শালমাৰা আৰক্ষীয়ে চলোৱা অভিযানত গ্ৰেপ্তাৰ হোৱা লোক কেইজন ক্ৰমে ৰাছিদুল ইছলাম আৰু বদিয়দ জামান বুলি জানিব পৰা গৈছে ৷ ধৃত লোক কেইজনে মেঘালয়ৰ পৰা সুৰাখিনি নাৱেৰে আনি দক্ষিণ শালমাৰাৰ মাটিফাটা এলেকালৈ সৰবৰাহ কৰিব বিচাৰিছিল বুলি জনায় আৰক্ষীয়ে ৷ ধৃত লোক দুজন মাটিফাটা বজাৰনিবাসী বুলি বুলি জানিব পৰা গৈছে ৷ অধিক তথ্যৰ বাবে তদন্ত অব্যাহত ৰাখিছে আৰক্ষীয়ে ৷
