চিৰাকুটাত বজ্ৰপাতত নিহত দুই আহত এক

পথাৰত মাছ ধৰিবলৈ যোৱাৰ সময়তে বজ্ৰ পৰি গুৰুতৰ ভাৱে আহত হয় তিনি জনকৈ লোক ৷ তিনিও জনকে স্থানীয় ৰাইজে ততাতৈয়াকৈ ধুবুৰী অসামৰিক চিকিৎসালয়তত ভৰ্তি কৰে যদিও দুজনৰ চিকিৎসালয়তে মৃত্যু হয় ৷

বিলাসীপাৰা, 4 অক্টোবৰ: পূজাৰ উছাহৰ মজতে বিলাসীপাৰাত শোকাৱহ ঘটনা ৷ শুকুৰবাৰে বিলাসীপাৰাৰ চিৰাকুটাত বজ্ৰপাতত দুজন নিহত হোৱাৰ লগতে আহত এজন ৷ তথ্য অনুসৰি, পথাৰত মাছ ধৰিবলৈ যোৱাৰ সময়তে বজ্ৰ পৰি গুৰুতৰ ভাৱে আহত হয় তিনি জনকৈ লোক ৷ তিনিও জনকে স্থানীয় লোকে ততাতৈয়াকৈ ধুবুৰী অসামৰিক চিকিৎসালয়ত ভৰ্তি কৰে যদিও ইয়াৰে দুজনকৈ লোকৰ চিকিৎসালয়তে মৃত্যু হয় ৷ নিহত ব্যক্তিদ্বয় ক্ৰমে, জুল হক আৰু জছিমুদ্দিন বুলি জানিব পৰা গৈছে ৷ আনহাতে, আহত জমিৰ উদ্দিনক সংকটজনক অৱস্থাত ভৰ্তি কৰোৱা হয় কোকৰাঝাৰ অসামৰিক চিকিৎসালয়ত ৷