পূৱ বিলাসীপাৰা, ১১ মাৰ্চঃ ৰাজ্যত অব্যাহত আছে ৰঙা মাটিৰ অবৈধ বেহা । চৰকাৰী ৰাজহ ফাঁকিৰে একাংশ বেপাৰীয়ে পাহাৰীয়া ৰঙা মাটি খনন কৰি চলাই আছে ৰমৰমীয়া বেহা । যাৰ বাবে পূৱ বিলাসীপাৰাৰ চাপৰত ভূ-মাফিয়াৰ বিৰুদ্ধে এইবাৰ সৰৱ হল বন বিভাগ । বহলপুৰ আঞ্চলিক বন বিষয়া-নাৰায়ণ ঠাকুৰীয়াই এক অভিযান চলাই জব্দ কৰিলে অবৈধ ভাৱে মাটি কঢ়িওৱা ট্ৰেক্টৰ । চাপৰৰ বাঙালডোবা অঞ্চলৰ পিআৰএফৰ পৰা অবৈধভাৱে মাটি সৰবৰাহ কৰা অৱস্থাত বন বিভাগৰ দলটোৱে ট্ৰেক্টৰ এখন জব্দ কৰিবলৈ সক্ষম হয় ।
চাপৰৰ বাঙালডোবাত জব্দ অবৈধভাৱে মাটি কঢ়িওৱা ট্ৰেক্টৰ
এই সমূহ ট্ৰেক্টৰৰে অবৈধভাৱে একাংশ ইটা ভাটাত পাহাৰীয়া ৰঙা মাটি যোগান ধৰা হয় বুলি বহলপুৰ আঞ্চলিক বন বিষয়াই জানিবলৈ দিছে । ইপিনে, এই জব্দকৃত ট্ৰেক্টৰ খনৰ ওপৰত বন বিভাগৰ বিধি মতে ৰাজহ সংগ্ৰহ কৰা হ'ব বুলি বন বিষয়া নাৰায়ণ ঠাকুৰীয়াই জানিবলৈ দিয়ে ।
