পূৱ বিলাসীপাৰা,7 অক্টোবৰঃ পূৱ বিলাসীপাৰাৰ চাপৰ অঞ্চলত ক্ৰমাৎ বৃদ্ধি পাইছে চোৰৰ উপদ্ৰৱ। এইবাৰ চোৰৰ টাৰ্গেট হৈছে ই-ৰিক্সা। চাপৰৰ বিভিন্ন স্থানৰ পৰা চুৰি হৈছিল চাৰিখনকৈ ই-ৰিক্সা।
ইপিনে এক গোপন সূত্ৰৰ ভিত্তিত চাপৰ থানাৰ ভাৰপ্ৰাপ্ত আৰক্ষী বিষয়া-নীলমণি নাথ আৰু সহ-পৰিদৰ্শক বিপুল দাসে এক অভিযান চলাই কোকৰাঝাৰ জিলাৰ ঢোলমাৰাৰ পৰা তিনিখন আৰু বঙাইগাঁও জিলাৰ বিলাসপুৰৰ পৰা এখন চুৰি ই-ৰিক্সা জব্দ কৰে ।
লগতে এই চুৰি ই-ৰিক্সা ক্ৰয়ৰ লগত জড়িত গনেশ চন্দ্ৰ ৰায় নামৰ এজন ব্যক্তিক আটক কৰিবলৈ সক্ষম হয় । ই-ৰিক্সা চুৰিৰ লগত জড়িত অইন তিনিজন লোক পলায়ন কৰে বুলি আৰক্ষী সূত্ৰই প্ৰকাশ কৰিছে।
লগতে পঢ়কঃ মাজনিশাই গুৱাহাটী লৈ অনা হ'ল পি কে দত্তক
