ধুবুৰী,18 মাৰ্চ: বৃহস্পতিবাৰে সন্ধিয়া প্ৰায় 7 বজাত ধুবুৰীত ভয়ংকৰ অগ্নিকাণ্ডৰ ঘটনা সংঘটিত হয় । ধুবুৰী চহৰৰ ইন্দিৰা গান্ধী পথৰ 14 নং ৱাৰ্ডৰ সুজয় দাস নামৰ ব্যক্তি গৰাকীৰ বাসগৃহত সংঘটিত হয় এই অগ্নিকাণ্ড ৷ অগ্নিকাণ্ডত ভষ্মীভূত হয় লক্ষাধিক টকাৰ সম্পত্তি ৷
প্ৰাপ্ত খবৰ অনুসৰি, চাহৰ দোকানৰ ওপৰত জীৱিকা নিৰ্বাহ কৰা সুজয় দাস নামৰ দৰিদ্ৰ পৰিয়ালটোৰ দুটাকৈ টিনৰ ঘৰ জুইত সম্পূৰ্ণৰূপে জাহ যায় । দুখনকৈ অগ্নি নিৰ্বাপক বাহিনীৰ বাহনেৰে জুই নিৰ্বাপনৰ চেষ্টা কৰা হয় । কথমপি প্ৰাণ ৰক্ষা পৰে বৃহত্তৰ এলেকাৰ শতাধিক পৰিয়াল ৷ বৰ্তমানলৈকে অগ্নিকাণ্ডৰ কাৰণ জানিব পৰা হোৱা নাই যদিও আৰক্ষীয়ে ঘটনা সন্দৰ্ভত অব্যাহত ৰাখিছে তদন্ত ৷
অন্য এক খবৰৰ বাবে: সমৰ্থকক ৰামঠগন দিলে ডাঃ কানুলাল দাসে !
