ধুবুৰী, 4 ফেব্ৰুৱাৰী: বাল্যবিবাহৰ বিৰুদ্ধে ৰাজ্যজুৰি চৰকাৰে চলোৱা অভিযানৰ ঠায়ে ঠায়ে বিৰূপ প্ৰভাৱ আৰম্ভ(Crackdown against child marriage) ৷ গ্ৰেপ্তাৰ কৰা স্বামীক মুকলি কৰি দিয়াৰ দাবীক কেন্দ্ৰ কৰি ধুবুৰীৰ তামাৰহাট থানাত উত্তপ্ত পৰিস্থিতি ৷ স্বামীক মুকলিৰ দাবীত মহিলাৰ তীব্ৰ প্ৰতিবাদ ৷ আৰক্ষীৰ বাধাকো নেওচি থানাৰ চৌহদত প্ৰৱেশ প্ৰতিবাদী মহিলাৰ(Protest against anti child marriage drive) ৷ আৰক্ষীক আক্ৰমণৰ চেষ্টা একাংশ ক্ষুব্ধ প্ৰতিবাদকাৰীৰ ৷ পৰিস্থিতি নিয়ন্ত্ৰণ কৰিবলৈ মোতায়েন বৃহৎ আৰক্ষী আৰু অৰ্ধসামৰিক বাহিনীৰ জোৱান(violence in Tamarhat police station) ৷ তামাৰহাট থানাৰ পৰা অভিযুক্তক ধুবুৰী জিলা কাৰাগাৰলৈ প্ৰেৰণ ৷
উল্লেখ্য যে, বৃহস্পতিবাৰৰ সন্ধিয়াৰ পৰা বাল্যবিবাহৰ বিৰুদ্ধে মুখ্যমন্ত্ৰীৰ নিৰ্দেশত আৰক্ষীয়ে চলাইছে তীব্ৰ অভিযান ৷ বিগত দুটা দিনত গ্ৰেপ্তাৰ কৰা হৈছে 2 সহস্ৰাধিক লোকক ৷ ইফালে, বহু অঞ্চলত পুৰুষসকলে ঘৰ-দুৱাৰ এৰি থৈ পলাই পত্ৰং দিয়াৰ বাতৰিও পোহৰলৈ আহিছে ৷ এইবাৰ মানকাচাৰত নিজ পিতৃক বচাবলৈ গৈ এগৰাকী বিধৱা যুৱতীয়ে আত্মহত্যাৰ পথ বাচি লোৱাৰ এক ঘটনা পোহৰলৈ আহিছে (Widow committed suicide to save her father from police )
ইতিমধ্যে ৰাজ্যৰ শদিয়াৰ পৰা ধুবুৰীলৈকে স্বামী, কাজী, পূজাৰী আৰু অভিভাৱকসহ প্ৰায় দুই সহস্ৰাধিক লোকক আটক কৰিবলৈ সক্ষম হৈছে আৰক্ষী । ৰাজ্যৰ ভিন্ন প্ৰান্তৰ লগতে ধুবুৰী জিলাতো আৰক্ষী প্ৰশাসনে বৃহস্পতিবাৰৰ মাজ নিশাৰে পৰা শুকুৰবাৰৰ লৈলে মুঠ 155 জন লোকক আটক কৰিবলৈ সক্ষম হয় (Drive against underage marriage) ।
আনহাতে, ধুবুৰী আৰক্ষীৰ এই অভিযান অব্যাহত থকাৰ বিপৰীতে অভিযানৰ অন্তত জিলা প্ৰশাসনৰ বিভিন্ন বিভাগ আৰু একাংশ স্বেচ্ছাসেৱী সংগঠনৰ সহযোগত অঞ্চলে অঞ্চলে বাল্যবিবাহৰ বিৰুদ্ধে সজাগতা সৃষ্টি কৰাৰ ক্ষেত্ৰতো গুৰুত্ব আৰোপ কৰিব বুলি সংবাদমেলখনত সদৰী কৰে আৰক্ষী অধীক্ষক অপৰ্ণা নটৰাজনে । বাল্যবিবাহৰ পৰা হোৱা ক্ষতি সন্দৰ্ভত ৰাইজক সজাগ কৰাতো অতিকৈ প্ৰয়োজন বুলি উল্লেখ কৰি, এনে বাল্যবিবাহৰ খবৰ পালেই আৰক্ষীক খবৰ দিবলৈ অনুৰোধ জনায় (Massive drive against Child marriage) ৷
আনপিনে, বাল্যবিবাহৰ বিৰুদ্ধে মুখ্যমন্ত্ৰীগৰাকীয়ে গ্ৰহণ কৰা পদক্ষেপক আদৰণি জনায় যদিও বাল্যবিবাহ কৰা স্বামীক গ্ৰেপ্তাৰ কৰাৰ পিচত নাবলিকা পত্নী আৰু তেওঁৰ কণ কণ সন্তানৰ দায়িত্ব কোনে ল’ব বুলিও প্ৰশ্ন উত্থাপন কৰিছে ধুবুৰীৰ সচেতন মহলে । লগতে চৰকাৰে পত্নী আৰু সন্তানৰ ভৰণ-পোষণৰ দায়িত্ব ল’ব বুলি ঘোষণা কৰিছে যদিও কম বয়সত স্বামী নোহোৱাকৈ অসহায় পত্নী আৰু কণ কণ সন্তানে কিদৰে দিন পাৰ কৰিব সেয়াও লক্ষণীয় বিষয় হৈ পৰিছে ৷ কিন্তু চৰকাৰক সমাজখন নষ্ট কৰা, নৱ প্ৰজন্মক ধ্বংসৰ গৰাহলৈ নিয়া বাল্যবিবাহ সম্পূৰ্ণৰূপে বন্ধ কৰাৰ বাবে কঠোৰ হ’বলৈও আহ্বান জনায় সচেতন ৰাইজে (Drive against Child marriage in Assam)।
লগতে পঢ়ক: Widow committed suicide: বাল্য বিবাহৰ ঘটনাক লৈ উত্তেজনা, পিতৃক বচাবলৈ বিধৱা মহিলাৰ আত্মহনন
