বিলাসীপাৰা , 11 মাৰ্চঃ কয়লা,চুপাৰি,গৰু ছিণ্ডিকেট চক্ৰৰ সমান্তৰালভাৱে ৰাজ্যত চলি আছে নীলা কেৰাচিন তেলৰ চোৰাং ব্যৱসায় | ৰাজ্যৰ বিভিন্ন প্ৰান্তৰ লগতে ধুবুৰী জিলাৰ বিলাসীপাৰাতো চলি আহিছে নীলা কেৰাচিন তেলৰ ৰমৰমীয়া ব্যৱসায় ৷ মঙলবাৰে বিলাসীপাৰা মহকুমা যোগান বিভাগে চলোৱা এক অভিযানত জব্দ কৰা হয় বৃহৎ পৰিমাণৰ চোৰাং নীলা কেৰাচিন তেল সহ অবৈধ তেলৰ ড্ৰাম কঢ়িওৱা দুখন বাহন ৷ যোগান বিভাগৰ পৰিদৰ্শক নিত্য গোপাল সাহাই মহকুমা দণ্ডাধীশ আৰু আৰক্ষীৰ সহযোগত চলাইছিল উক্ত অভিযান ৷
বিলাসীপাৰাৰ বাতাপাৰাত জব্দ ৯ টা ড্ৰামত ১৮ শ লিটাৰ চোৰাং নীলা কেৰাচিন তেল সহ AS-25CC-8145 (TATA PIKUP) নম্বৰ বাহনখনৰ লগতে সাপটগ্ৰামত ৮ টা ড্ৰামত ১৬ শ লিটাৰ কেৰাচিন তেলসহ জব্দ কৰা হয় AS-17B-9705 (TATA MAGIC) নম্বৰ বাহনখন ৷ আৰক্ষীয়ে আটক কৰে ছাদ্দাম হুছেইন নামৰ মেজিক চালকজনক ৷
লগতে পঢ়কঃঅখিল গগৈৰ মুক্তিৰ দাবীত ব্যাপক প্ৰতিবাদ, ৰাজপথলৈ ওলাই আহিল জনতা
