ধুবুৰী, 23 ডিচেম্বৰঃ অবিভক্ত গোৱালপাৰা জিলাক কমতাপুৰ স্বায়ত্ব শাসন পৰিষদ গঠনৰ বাবে সোণোৱাল চৰকাৰৰ কেবিনেটে সিদ্ধান্ত গ্ৰহণৰ পিছতেই বিভিন্ন মহলত সৃষ্টি হৈছে প্ৰতিক্ৰিয়াৰ । কোচৰাজবংশী সকলৰ বাবে অবিভক্ত গোৱালপাৰা জিলাক লৈ কমতাপুৰ স্বায়ত্ব শাসন পৰিষদ গঠন কৰিলে মিঞা পৰিষদে আত্মজাহৰ লগতে অগ্নিকুণ্ড লৈ ৰূপান্তৰ হ’ব বুলি এইবাৰ সকীয়নি অসম মিঞা (অসমীয়া) পৰিষদৰ । জাতিধ্বংসী নাগৰিকত্ব সংশোধনী আইনক লৈ ৰাজ্য তথা সমগ্ৰ দেশ উত্তাল হৈ থকাৰ সময়তে সোণোৱাল চৰকাৰৰ জনগোষ্ঠীয় ৰাজনীতি কৰাৰ অভিযোগ মিঞা পৰিষদৰ ।
ইটিভি ভাৰতৰ সৈতে এক আছুতীয়া সাক্ষাৎকাৰত মিঞা পৰিষদৰ কেন্দ্ৰীয় সমিতিৰ সাধাৰণ সম্পাদক এম মহৰ আলীয়ে প্ৰতিক্ৰিয়া প্ৰকাশ কৰে । লগতে ১৯৯৪ চনৰ পৰাই মিঞা পৰিষদে মিঞা স্বায়ত্ব শাসন গঠনৰ দাবী কৰি আহিছে যদিও চৰকাৰে সেই ক্ষেত্ৰত গুৰুত্ব দিয়া নাই বুলি উল্লেখ কৰে ৷ অহা এক সপ্তাহৰ ভিতৰত মিঞা স্বায়ত্ব শাসন গঠন কৰা নহ’লে তীব্ৰ আন্দোলনৰ কাৰ্যসূচী ৰূপায়ণৰ লগতে দিছপুৰত আত্মজাহৰ হুংকাৰ মিঞা পৰিষদৰ । আনহাতে অসম মিঞা (অসমীয়া) ছাত্ৰ পৰিষদৰ সভাপতি এম আখেৰুজ্জামান মোল্লাই প্ৰতিক্ৰিয়া প্ৰকাশ কৰি ভৌগোলিক ভাবে নহয় চেটেলাইট পদ্ধতিৰে সম্প্ৰদায় পৰিসীমিতৰে মিঞা পৰিষদ গঠনৰ দাবী উত্থাপন কৰে ।
আৰু পঢ়কঃ পাঠশালাত ভয়াৱহ অগ্নিকাণ্ড: ভষ্মীভূত 30 লক্ষাধিক টকাৰ সম্পত্তি
