ধুবুৰীত ভয়ংকৰ পথ দুৰ্ঘটনা: আহত দুজন

ধুবুৰীত বুধবাৰে সংঘটিত হয় এক ভয়াবহ পথ দুৰ্ঘটনা। দুৰ্ঘটনাত গুৰুত্বভাৱে আঘাত প্ৰাপ্ত হয় দুগৰাকী বাইক আৰোহী ৷

ধুবুৰী, 24 ফেব্ৰুৱাৰী : ধুবুৰীত বুধবাৰে সংঘটিত হয় এক ভয়াবহ পথ দুৰ্ঘটনা। দুৰ্ঘটনাত গুৰুত্বভাৱে আঘাত প্ৰাপ্ত হয় দুগৰাকী বাইক আৰোহী ৷

ঘটনাৰ বিৱৰণ অনুসৰি ধুবুৰীৰ পৰা গোলকগঞ্জ অভিমুখে বাইকেৰে দুই পিতা-পুত্ৰই গৈ থকা অৱস্থাত বিপৰীত দিশৰ পৰা আহি থকা এ এছ ১৭ চি/১৩৭৫ নম্বৰৰ এখন ট্ৰাকে খুন্দা মাৰে ৷ ফলত গুৰুত্বভাৱে আহক হয় বাইক আৰোহী দুই পিতা-পুত্ৰ ৷

ধুবুৰীত ভয়ংকৰ পথ দুৰ্ঘটনা, আহত দুজন

জানিব পৰা মতে আহত দুজনৰ নাম গোলকগঞ্জৰ উত্তৰ টোকৰেৰছৰাৰ নিবাসী পিতৃ নলেশ্বৰ ৰায় (৭২) আৰু পুত্ৰ নিৰঞ্জন ৰায়(৩৮) । বৰ্তমান দুয়োকে ধুবুৰীৰ অসামৰিক চিকিৎসালয়ৰ পৰা উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰা হৈছে ৷

লগতে পঢ়ক: কাছাৰত শিক্ষালাভৰ পৰা বঞ্চিত শিক্ষাৰ্থীৰ প্ৰতিবাদ