ধুবুৰী,27 নৱেম্বৰঃ বিলাসীপাৰাত ৰে'ল পথ নিৰ্মাণৰ বাবে ভূমি অধিগ্ৰহণৰ ধন প্ৰদানৰ নামত ধুবুৰী জিলা প্ৰশাসনৰ বিৰুদ্ধে গুৰুতৰ অভিযোগ উত্থাপন | নিউ ময়নাগুৰি-যোগীঘোপা ৰে'ল পথ নিৰ্মাণৰ নামত ৰে'ল পথ নিৰ্মাণকাৰী সংস্থা M K Engineering য়ে এডোখৰ ভূমি অধিগ্ৰহণৰ বাবে বল পূৰ্বক চেষ্টা অব্যাহত ৰাখিছে বুলিও অভিযোগ উত্থাপন কৰে ভুক্তভোগীয়ে |
উল্লেখ্য যে, বিলাসীপাৰাৰ হাকামা ৩য় খণ্ড গাঁৱত ৰে'ল পথ নিৰ্মাণৰ ভূমি অধিগ্ৰহণৰ নামত নিৰ্মাণকাৰী সংস্থাৰ মইমতালিৰ অভিযোগ স্থানীয়ৰ | অধি গ্ৰহন কৰা ২ বিঘা মাটি আৰু মাটি ডোখৰত থকা গছ-গছনিৰ মূল্য আদায় নিদিয়া কৈ ৰে'লপথ নিৰ্মাণৰ বাবে উঠিপৰি লাগিছে নিৰ্মাণকীৰী সংস্থা M K ইঞ্জিনিয়াৰিঙে | গাঁও খনৰ আম্বিয়া বিবিৰ নামৰ মহিলা গৰাকীৰ নামত থকা ৮১/৭১ দাগ নম্বৰৰ তথা ৪৮ নম্বৰ পাট্টাৰ দুই বিঘা ভূমি ৰে'ল পথ নিৰ্মাণৰ নামত ধুবুৰী জিলা প্ৰশাসনে অধিগ্ৰহন কৰে | সেই মতে প্ৰশাসনে মাত্ৰ ২ কটা ১০ লেছা ভূমিৰ মূল্য মহিলা গৰাকীক চমজাই দিয়ে | কিন্তু বাকী ভূমিৰ ধন জিলা প্ৰশাসনে কোনো ধৰণৰ আদায় দিয়াৰ ব্যৱস্থাৰ পৰিৱৰ্তে ভূমি ডোখৰত ৰে'ল পথ নিৰ্মাণৰ বাবে উঠিপৰি লাগিছে বুলি ভূমি ডোখৰৰ গৰাকীয়ে অভিযোগ তোলে | ধুবুৰী জিলা প্ৰশাসনৰ লগতে ৰে'ল পথ নিৰ্মাণকাৰী সংস্থাটোই ভূমি ডোখৰৰ গৰাকীক ভূমি এৰি দিয়াৰ বাবে হেচা প্ৰয়োগ কৰি অহাত হতাশাত ভুগিছে দুৰ্ভগীয়া পৰিয়ালটোই | সেয়ে বাকী থকা ভূমিৰ মূল্যৰ লগতে ভূমি ডোখৰত থকা গছ গছনিৰ মুল্য আদায় নিদিয়া লৈ ৰে'ল নিৰ্মাণৰ কামত বাধা প্ৰদান কৰিব বুলি জানিবলৈ দিয়ে | এই ক্ষেত্ৰত জিলা প্ৰশাসনৰ লগতে চৰকাৰক সু-ব্যৱস্থা গ্ৰহণৰ আবেদন জনাই পৰিয়ালটোৱে ৷
আৰু পঢ়কঃ নাৰেংগী সেনা শিবিৰৰ কেণ্টিনত গ্ৰাহকৰ ৰূপত বনৰীয়া হাতী
