নিউজ ডেস্ক, 12 ডিচেম্বৰ: বুধবাৰে ৰাজ্যসভাৰ মজিয়াত বহু বিতৰ্কিত কেব গৃহীত হোৱাৰ পিচত ৰাজ্যত অধিক তীব্ৰতৰ হৈ পৰিছে প্ৰতিবাদৰ জুই ৷
ধুবুৰী: ধুবুৰীৰ ৰাজপথত টায়াৰ জ্বলাই প্ৰতিবাদ সাধাৰণ জনতাৰ ৷ বিলাসীপাৰাৰ টিলাপৰা অঞ্চলৰ 31নং ৰাষ্ট্ৰীয় ঘাইপথত ওলাই আহিল একাংশ লোক ৷ চৰকাৰ বিৰোধী শ্লোগানেৰে ৰাইজৰ উত্তাল প্ৰতিবাদ সাব্যস্ত ৷
গুৱাহাটী: ইতিমধ্যে সান্ধ্য আইন জাৰি কৰাৰ ফলত সম্পূৰ্ণৰূপে স্তব্ধ হৈ পৰিছে গুৱাহাটী মহানগৰী ৷ বেৰিকেড লগাই বন্ধ কৰি দিয়া হৈছে খানাপাৰাস্থিত মুখ্য প্ৰৱেশদ্বাৰ ৷ মোতায়েন কৰা হৈছে অধিক সেনা জোৱান ৷ জাৰি কৰিছে সেনাৰ ফ্লেগ মাৰ্চ ৷
কলগাছিয়া: কলগাছিয়াতো দেখিবলৈ পোৱা গ'ল কেব বিৰোধী প্ৰতিবাদ ৷ কলগাছিয়াৰ চেনিমাৰিত দল-সংগঠন নিৰ্বিশেষে জঁপিয়াই পৰিছে আন্দোলনত ৷ আন্দোলনকাৰীয়ে দাহ কৰিলে প্ৰধান মন্ত্ৰী নৰেন্দ্ৰ মোদী, গৃহমন্ত্ৰী অমিত শ্বাহ, মুখ্যমন্ত্ৰী সৰ্বানন্দ সোণোৱাল আৰু মন্ত্ৰী হিমন্ত বিশ্ব শৰ্মাৰ প্ৰতিকৃতি ৷
লগতে পঢ়ক: মহানগৰীত সেনাৰ ফ্লেগ মাৰ্চ, স্তব্ধ জনজীৱন !
