পূৱ বিলাসীপাৰা, ২৯ মে': ধুবুৰী জিলাৰ চাপৰত মহামাৰী COVID-19ত আক্ৰান্ত এজন ব্যক্তি । বৃহস্পতিবাৰে নিশা টুইটযোগে এই কথা সদৰী কৰে স্বাস্থ্য মন্ত্ৰী হিমন্ত বিশ্ব শৰ্মাই । ভাইৰাছত আক্ৰান্ত ব্যক্তিজন বিগত ১৪ মে'ত হায়দাৰাবাদৰ পৰা অসমলৈ আহিছিল বুলি জানিবলৈ দিয়ে । তাৰ পাচতে ছাপটগ্ৰামৰ কোৱাৰেন্টাইন চেন্টাৰত কোৱাৰেন্টাইন হৈ আছিল ব্যক্তিজন ।
২৩ মে' ত বিলাসীপাৰা ডিপৰখুটি চিকিৎসালয়ত ব্যক্তিজনৰ স্বাৱ সংগ্ৰহ কৰি ২৪ মে' ত চাপৰৰ ছাগলখুটিৰ নিজ ঘৰত হোম কোৱাৰেন্টেইনৰ বাবে পঠিয়াই দিয়ে । কিন্তু বৃহস্পতিবাৰে নিশা ব্যক্তিজনৰ ৰিজাল্ট পজিটিভ অহাৰ পাচতে প্ৰশাসন আৰু স্বাস্থ্য বিভাগৰ কৰ্মী নিশাই কৰ'ণা আক্ৰান্ত ৰোগীজনক বৰপেটা মেডিকেল লৈ প্ৰেৰণ কৰে ।
লগতে শুকুৰবাৰে আক্ৰান্ত ব্যক্তি গৰাকীৰ পৰিয়ালৰ চাৰিজন সদস্যক বিলাসীপাৰা ডিপেৰখুটি চিকিৎসালয়লৈ পঠিয়াই দিয়ে । পৰিয়ালৰ সদস্য কেইগৰাকীৰ টেষ্টৰ পাচতে হোম কোৱাৰেন্টেইন কৰিব বুলি জানিবলৈ দিয়ে প্ৰশাসনে ।
