ধুবুৰী, 5 ছেপ্টেম্বৰ: আজি শিক্ষক দিৱসৰ(Teachers Day 2022) দিনটোত গুৰু বন্দনাৰে মুখৰিত হৈ পৰিল ৰাজ্যৰ ভিন্ন প্ৰান্তৰ লগতে ধুবুৰীৰ বিভিন্ন বিদ্যালয়-মহাবিদ্যালয় । শিক্ষাৰ জেউতিৰে কোটি কোটি লোকৰ জীৱন উজ্জ্বলাই তোলা শ্ৰদ্ধাৰ শিক্ষাগুৰুসকলক স্মৰণ কৰি আজিৰ দিনটোত বিদ্যালয়ে বিদ্যালয়ে বিভিন্ন কাৰ্যসূচী গ্ৰহণ কৰা হয় ।
ধুবুৰী ভোলানাথ মহাবিদ্যালয় আৰু ধুবুৰী ছোৱালী মহাবিদ্যালয়ৰ লগতে প্ৰতিখন শিক্ষানুষ্ঠানত শিক্ষক-শিক্ষাৰ্থীৰ মাজত উখল-মাখল পৰিৱেশৰ সূচনা হোৱা দেখা গ’ল । ইপিনে ধুবুৰী ছোৱালী মহাবিদ্যালয়ৰ(Dhubri Girls College) শিক্ষক দিৱসৰ এক কাৰ্যসূচীত অংশগ্ৰহণ কৰে ধুবুৰীৰ সাংসদ বদৰুদ্দিন আজমলে (Badruddin Ajmal at teachers day programme)।
মহাবিদ্যালয়খনৰ ছাত্ৰীসকলে উষ্ম আদৰণি জনায় সাংসদগৰাকীক । মহাবিদ্যালয়খনৰ কাৰাটে দল আৰু এন চি চি স্কাউট গাইডৰ ছাত্ৰীসকলক নগদ ধনেৰে পুৰস্কৃত কৰে সাংসদগৰাকীয়ে । অনুষ্ঠানত নিজৰ ভাষণ প্ৰসংগত সাংসদগৰাকীয়ে শিক্ষানুষ্ঠানৰ কাষত জিলা কাৰাগাৰ (Dhubri District Jail) থকাটো গ্ৰহণযোগ্য নহয় বুলি উল্লেখ কৰি মহাবিদ্যালয়খনৰ সন্মুখৰ জিলা কাৰাগাৰ স্থানান্তৰ কৰাৰ দাবী জনায় চৰকাৰক ।
ছাত্ৰ-ছাত্ৰীৰ লগতে চহৰখনত অপৰাধীক স্থান দিয়া নহ’ব বুলি গুৰুত্বপূৰ্ণ মন্তব্য প্ৰদান কৰে বদৰুদ্দিন আজমলে । আনহাতে মহাবিদ্যালয়খনৰ আন্তঃগাঁথনি উন্নয়নৰ বাবে সাংসদ পুঁজিৰ পৰা এক কালীন ৫০ লাখ টকাৰ অনুদান ঘোষণা কৰে সাংসদ আজমলে (Ajmal donates to Dhubri Girls College)। তাৰোপৰি ২০২৪ ৰ নিৰ্বাচনত(Lok Sabha election 2022) জয়ী হ’লে অতিৰিক্ত ৫০ লাখ টকাৰ অনুদান দিয়াৰ প্ৰতিশ্ৰুতি দিয়ে সাংসদ বদৰুদ্দিন আজমলে ।
লগতে পঢ়ক: শিক্ষক দিৱসৰ দিনা কেমেৰাৰ সন্মুখতে দুগৰাকী শিক্ষয়িত্ৰীৰ বিননী
