বিলাসীপাৰা,২৪ মাৰ্চ : যোৱা ১৬ মাৰ্চত বিলাসীপাৰাৰ টিলাপাৰা দুধনাথ গাঁৱত বন বিভাগ আৰু বিলাসীপাৰা মহকুমা প্ৰসাশনে উচ্ছেদ চলাইছিল (Eviction at Bilashipara)। বন বিভাগৰ মাটিত অবৈধভাৱে বসবাস কৰা প্ৰায় ১০০ টা পৰিয়ালক উচ্ছেদ কৰা হৈছিল । প্ৰশাসনে উচ্ছেদ চলাইছে যদিও পৰিয়ালবোৰক পুনৰ সংস্থাপনৰ কোনো ব্যৱস্থা গ্ৰহণ নকৰাৰ অভিযোগ উঠিছে ।
যাৰ বাবে বৃহস্পতিবাৰে প্ৰতিবাদ সাব্যস্ত কৰে কৃষক মুক্তি সংগ্ৰাম সমিতিয়ে (KMSS protest at Bilashipara)। উচ্ছেদিত পৰিয়ালক পুনৰ সংস্থাপন আৰু ভূমিহীন পৰিয়ালক ভূমি পট্টা প্ৰদানৰ দাবীত বিলাসীপাৰা মহকুমাধিপতি কাৰ্যালয়ৰ সন্মুখত প্ৰতিবাদ সাব্যস্ত কৰে কৃষক মুক্তি সংগ্ৰাম সমিতিয়ে (KMSS protest demanding rehabilitation of evicted family)। ৰাইজৰ সহযোগত ধুবুৰী জিলা কৃষক মুক্তি সংগ্ৰাম সমিতিয়ে দুঘণ্টীয়া অৱস্থান ধৰ্মঘটৰ কাৰ্যসূচী পালন কৰে ।
প্ৰতিবাদকাৰীসকলে বিলাসীপাৰা মহকুমাধিপতিৰ জৰিয়তে অসমৰ মুখ্যমন্ত্ৰী ডঃ হিমন্ত বিশ্ব শৰ্মালৈ এখন স্মাৰক পত্ৰও প্ৰেৰণ কৰে ।
লগতে পঢ়ক :TET teachers protest : হাজাৰ হাজাৰ শিক্ষকৰ প্ৰতিবাদত কঁপিল গুৱাহাটীৰ কাহিলিপাৰা
