ধুবুৰী কাৰাগাৰত এবুকু পানীঃ কলেজত ভৰালে কয়দীক

এবুকু পানীৰে উপচি পৰিছে কাৰাগাৰৰ ভিতৰ-বাহিৰ ৷ বানৰ বাবে কাৰাগাৰৰ 417 গৰাকী কয়দীক সোমবাৰে নিশাই ধুবুৰী ছোৱালী মহাবিদ্যালয়ৰ ওপৰ মহলাত স্থানান্তৰ কৰিবলগীয়া হয় ৷

ধুবুৰী, 16 জুলাইঃ বানে হাহাকাৰ পৰিস্থিতিৰ সৃষ্টি কৰিছে ধুবুৰী জিলা কাৰাগাৰত ৷ এবুকু পানীৰে উপচি পৰিছে কাৰাগাৰৰ ভিতৰ-বাহিৰ ৷ বানৰ বাবে কাৰাগাৰৰ 417 গৰাকী কয়দীক সোমবাৰে নিশাই ধুবুৰী ছোৱালী মহাবিদ্যালয়ৰ ওপৰ মহলাত স্থানান্তৰ কৰিবলগীয়া হয় ৷

ইপিনে নিৰাপদ আশ্ৰয়ৰ বাবে হাহাকাৰ কৰিবলগীয়া হৈছে কাৰাগাৰত কৰ্মৰত আৰক্ষী জোৱানসকল ৷ কিন্তু প্ৰশাসন তথা ঊৰ্ধতন মহলে বিশেষ ব্যৱস্থা গ্ৰহণ নকৰাৰ অভিযোগ উত্থাপন হৈছে ৷ চহৰখনৰ মাজমজিয়াতে বানে সৃষ্টি কৰা এনে ভয়াৱহ অৱস্থাৰ বাবে আতংকিত হৈ পৰিছে চহৰবাসী ৷ উল্লেখ্য যে ধুবুৰী জিলাৰ আঠ শতাধিক গাঁও বানৰ কবলত পৰিছে ৷