বানত ক্ষতিগ্ৰস্ত দলং পৰিদৰ্শন প্ৰাক্তন বিধায়ক জাভেদ ইছলামৰ

মানকাচৰত বানত উটি যোৱা দলঙৰ বুজ ল'লে প্ৰাক্তন বিধায়ক জাবেদ ইছলামে । অঞ্চলটোৰ যাতায়তৰ সু-ব্যৱস্থা কৰাৰ লগতে এখন পকী দলঙৰ ব্যৱস্থা কৰাৰ দাবী প্ৰাক্তন বিধায়ক জনৰ ৷

ধুবুৰী, 22 জুলাই : শেহতীয়াকৈ মানকাচৰৰ বৃহত্তম পূৰ্বাঞ্চল কালাপানীৰ বিভিন্ন ঠাইত কাল ৰূপ ধাৰণ কৰিছে বাঢ়নী পানীয়ে ৷ মেঘালয়ৰ গাৰো পাহাৰৰ পৰা নামি অহা প্ৰৱল সোঁতে ভয়ংকৰ ৰূপ লৈছে ৷ দুটা ৰিং বান্ধৰ লগতে কালাপানী আৰক্ষী চকীৰ গাতে লাগি থকা জৰাজীৰ্ণ কাঠৰ দলংখন উটুৱাই লৈ যোৱাৰ পাচতেই সম্পূৰ্ণ ৰূপে যাতায়ত ব্যৱস্থা ব্যাহত হৈ পৰে ৷

বানে উটুৱাই নিয়া কাঠৰ দলং

বানৰ ফলত বিস্তৰ ক্ষতিৰ সন্মুখীন হৈছে নৈ পৰীয়া ৰাইজৰ লগতে কৃষক সকল ৷ মানকাচৰৰ কালাপানীত বান পৰিস্থিতিৰ বুজ ল'বলৈ উপস্থিত হৈ শীঘ্ৰেই অঞ্চলটোৰ যাতায়তৰ সু-ব্যৱস্থা কৰাৰ লগতে এখন পকী দলঙৰ ব্যৱস্থা কৰিব লাগিব বুলি উল্লেখ কৰে মানকাচৰ সমষ্টিৰ প্ৰাক্তন বিধায়ক জাবেদ ইছলামে ৷

উল্লেখযোগ্য যে,তিনিদিন যোৱাৰ পাচতো বানপানীৰ পৰিস্থিতিৰ বুজ ল'বলৈ সময় পোৱা নাই জিলা প্ৰশাসনৰ লগতে স্থানীয় বিধায়ক মতিউৰ ৰহমান মণ্ডল আৰু জিলা পৰিষদৰ সভানেত্ৰী মেৰিনা খানে ৷ যাৰ বাবে ক্ষোভ প্ৰকাশ কৰিছে স্থানীয় ৰাইজে ৷

লগতে পঢ়ক : মৰিগাঁৱত বিপদসীমা অতিক্ৰম কিলিং আৰু কপিলী নৈৰ পানী