ধুবুৰী,1 মাৰ্চ: ধুবুৰীৰ গৌৰীপুৰ আৰক্ষী থানাৰ অন্তৰ্গত বৰাইবাৰী অঞ্চলত দেওবাৰে নিশা সংঘটিত হৈছে এক লোমহৰ্ষক হত্যাকাণ্ড । পত্নীক লোহাৰ ৰডেৰে কোবাই হত্যা কৰে স্বামীয়ে ৷ অভিযুক্ত ব্যক্তিগৰাকী হাফিজুৰ ৰহমান বুলি চিনাক্ত কৰা হৈছে ৷ পাৰিবাৰিক কন্দলৰ বাবে এই হত্যাকাণ্ড সংঘটিত হোৱাৰ আশংকা কৰিছে আৰক্ষীয়ে ৷ নিহত মহিলাগৰাকীৰ নাম খইমালা ৷
এই হত্যাকাণ্ডক লৈ গৌৰীপুৰত সৃষ্টি হৈছে চাঞ্চল্যৰ ৷ পত্নীক হত্যা কৰি স্বামী হাফিজুৰ ৰহমানে পলাই যাবলৈ চেষ্টা কৰে যদিও গাঁওবাসীয়ে আটক কৰি গৌৰীপুৰ আৰক্ষীক গতাই দিয়ে । ঘটনা সন্দৰ্ভত আৰক্ষীয়ে ইতিমধ্যে তদন্ত আৰম্ভ কৰিছে ৷
লগতে পঢ়কঃ আসন ভাগ বটোৱাৰাক লৈ বিজেপি-অগপৰ বৈঠক
