ধুবুৰী,17 মাৰ্চঃ মহাজোঁট বন্ধনৰ সমৰ্থিত ভাৰতীয় জাতীয় কংগ্ৰেছ দলৰ মনোনীত প্ৰাৰ্থী ৱাজেদ আলী চৌধুৰীক বুধবাৰে দক্ষিণ শালমাৰা সমষ্টিৰ ৰাইজে ফুলাম গামোচাৰে উষ্ম আদৰণি জনোৱা দেখা যায় ৷
লগতে দক্ষিণ শালমাৰৰ সমষ্টিৰ অন্তৰ্গত দক্ষিণ শালমাৰা জিলা পৰিষদৰ টুমনিৰ পৰা পাটাকাটা বজাৰলৈ ৮ কিল’মিটাৰ ৰাস্তাত বাইক ৰেলীৰে নিৰ্বাচনী প্ৰচাৰ চলোৱাৰ লগতে ৰাইজৰ পৰা ভোট ভিক্ষা কৰাও দেখা যায় ৷
সাংবাদিকৰ সৈতে হোৱা এক সাক্ষাৎকাৰত ৱাজেদ আলী চৌধুৰীয়ে কয় যে, অসমৰ ধৰ্ম নিৰপেক্ষ দলসমূহ লগ হৈ মহাগোট বন্ধনৰ সৃষ্টি কৰিছে ৷ এইবেলি প্ৰথমবাৰৰ বাবে সমষ্টিৰ ৰাইজে স্বতঃস্ফূৰ্তভাৱে ওলাই আহিছে ৷ সাম্প্ৰদায়িকতাৰ বিৰুদ্ধে ধৰ্ম নিৰপেক্ষৰ যুদ্ধ চলিব বুলি কৈ তেওঁৰ জয় নিশ্চিত বুলি দাবী কৰে দক্ষিণ শালমাৰাত ।
লগতে পঢ়কঃ জিতু গোস্বামীৰ হৈ বঢ়মপুৰত প্ৰচাৰ হিমন্ত বিশ্ব শৰ্মাৰ
