ধুবুৰী,13 এপ্ৰিল : ধুবুৰীত বলি মাফিয়াৰ চিণ্ডিকেটৰ বিৰুদ্ধে কঠোৰ জিলা উপায়ুক্ত দেৱ কুমাৰ কলিতা। বালিৰ চিণ্ডিকেটৰ বাতৰি বিভিন্ন সংবাদ মাধ্যমত প্ৰচাৰ হোৱাৰ পাছতে তদন্তৰ ঘোষণা কৰিছে উপায়ুক্ত গৰাকীয়ে । ফুলবাৰী দলং নিৰ্মাণৰ ঠিকা লাভ কৰা এল এণ্ড টি নামৰ কোম্পানীটোক বালি যোগান ধৰাৰ নামত একাংশ বালি মাফিয়াই চলাই গৈছে অবৈধ ব্যৱসায় ৷ এখন চালানেৰে 12 ৰ পৰা 14 বাৰকৈ বালি কঢ়িওৱাৰ অভিযোগ উত্থাপন হোৱাৰ পাচতে তদন্তৰ ঘোষণা কৰিছে উপায়ুক্ত গৰাকীয়ে ৷
উল্লেখ্যে যে, লাখ লাখ টকাৰ ৰাজহ ফাঁকি দি বন বিষয়া কৰ্মচাৰীৰ লগত লগ হৈ ছিণ্ডিকেট চলাই যোৱাৰ বিৰুদ্ধে তৎপৰ হৈছে জিলা প্ৰশাসন ৷ বন বিভাগৰ সহযোগত ধুবুৰীৰ ফাৰুক, জুৰান, দীপক আলী, মহিবুল আৰু লুইছৰ লগতে বৰপেটাৰ খাইৰুলৰ নেতৃত্বত ধুবুৰীত বৃহৎ বালিৰ চিণ্ডিকেটৰ লগতে মতিৰচৰ অঞ্চলৰ কেইবাটাও স্থানত ব্ৰহ্মপুত্ৰৰ বুকু খান্দি লাখ লাখ টকাৰ ৰাজহ ফাঁকি দিয়াৰ ব্যৱসায়ী সকলৰ বিৰুদ্ধেও কঠোৰ ব্যৱস্থা গ্ৰহণৰ কথা উল্লেখ কৰিছে উপায়ুক্ত গৰাকীয়ে ৷
