ধুবুৰী, 6 ছেপ্তেম্বৰঃ ধুবুৰীত আৰক্ষীৰ অভিযানত ড্ৰাগছ সহ এজনক আটক । নিশা ধুবুৰীৰ অয়ৰাণ জংলা অঞ্চলত আৰক্ষীয়ে চলালে অভিযান । অঞ্চলটোৰ আলাউদ্দিন সিকদাৰ নামৰ এজন লোকৰ ঘৰত অভিযান চলাই কিছু পৰিমাণৰ নিচাজাতীয় টেবলেট আৰু কফ চিৰাফ জব্দ কৰিবলৈ সক্ষম হয় ।
ইপিনে ঘটনাৰ সৈতে জড়িত থকাৰ অভিযোগত আলাউদ্দিন সিকদাৰ নামৰ যুৱকজনক গ্ৰেপ্তাৰ কৰে আৰক্ষীয়ে । উল্লেখযোগ্য যে, দীৰ্ঘ দিনৰে পৰা যুৱকজনে ড্ৰাগছ সৰবৰাহ কৰি আহিছিল । আৰক্ষীয়ে ধৃত যুৱকজনৰ পৰা অধিক তথ্য উদ্ঘাটনৰ বাবে জেৰা অব্যাহত ৰাখিছে । তদন্তৰ খাতিৰত এইপৰ্যন্ত মুখ খোলা নাই আৰক্ষীয়ে ।
