ধুবুৰীত চুপাৰী ভৰ্তি ট্ৰাক জব্দঃ তদন্ত অব্যাহত

ধুবুৰীৰ অসম-বংগ সীমান্তৰ পৰা জব্দ এখন চুপাৰী ভৰ্তি ট্ৰাক। ওঠৰ টন ওজনৰ কেইবা লক্ষাধিক টকাৰ চুপাৰী ভৰ্তি ট্ৰাকখন দিল্লী অভিমুখে যাত্ৰা কৰিছিল । HR-55V-824 নম্বৰৰৰ ট্ৰাকখনত সোমবাৰে মানকাচৰৰ পৰা ওঠৰ টন চুপাৰী লোড কৰা হৈছিল ।

ধুবুৰী, 22 অক্টোবৰঃ ৰাজ্যৰ লগতে উত্তৰ-পূৰ্বাঞ্চলত চুপাৰী ছিণ্ডিকেট চক্ৰ সক্ৰিয় হৈ থকাৰ সময়তে সোমবাৰে নিশা ধুবুৰীত শুল্ক বিভাগৰ অভিযানত জব্দ হ'ল দিল্লীলৈ যাত্ৰা কৰা এখন চুপাৰী ভৰ্তি ট্ৰাক। চুপাৰীভৰ্তি ট্ৰাকখন মানকাচৰৰ পৰা গোৱালপাৰা লক্ষীপুৰ হৈ ধুবুৰীৰ ৩১নং ৰাষ্ট্ৰীয় ঘাই পথেৰে গৈ থকা অৱস্থাতে ধুবুৰী শুল্ক বিভাগৰ এটা বিষয়াৰ দলে অভিযান চলাই চুপাৰী ভৰ্তি ট্ৰাকখন জব্দ কৰে ৷ উল্লেখ্য যে জব্দকৃত HR-55V-824 নম্বৰৰৰ ট্ৰাকখনত সোমবাৰে মানকাচৰৰ পৰা ওঠৰ টন চুপাৰী লোড কৰা হৈছিল। অৱশ্যে এই পৰ্যন্ত এয়া বৈধ নে অবৈধ চুপাৰী সেই বিষয়ে কোনো তথ্য সদৰী কৰা নাই বিভাগীয় কৰ্তৃপক্ষই ।