ধুবুৰী, ১৯ অক্টোবৰ : ৰাজ্যত দিনক দিনে অস্বাভাৱিক হাৰত হৈ থকা অত্যাৱশ্যকীয় সামগ্ৰীকে ধৰি বিভিন্ন সামগ্ৰীৰ মূল্যবৃদ্ধিয়ে জুৰুলা কৰিছে ৰাইজক । মূল্যবৃ্দ্ধি আৰু কৃষি আইনৰ বিৰোধিতাৰে সোমবাৰে ধুবুৰীত প্ৰতিবাদী কাৰ্যসূচী ৰূপায়ণ কৰে এছ ইউ চি আই দলে । ধুবুৰী চহৰৰ শংকৰদেৱ শিশু উদ্যানৰ সন্মুখত বিক্ষোভ প্ৰদৰ্শন কৰে দলটোৰ সদস্যসকলে ।
সমান্তৰালভাৱে দক্ষিণ শালমাৰা বিধানসভা সমষ্টিকে ধৰি ধুবুৰী জিলাৰ বিভিন্ন প্ৰান্তত চলি থকা ব্ৰহ্মপুত্ৰৰ গৰাখহনীয়াৰ স্থায়ী প্ৰতিৰোধৰ দাবী উত্থাপন কৰে প্ৰতিবাদকাৰীয়ে । হাতে হাতে বেনাৰ, প্লে'কাৰ্ড লৈ ৪ দফীয়া দাবীৰ ভিত্তিত বিভিন্ন প্ৰতিবাদী শ্ল'গানেৰে উত্তাল প্ৰতিবাদ সাব্যস্ত কৰে । এই প্ৰতিবাদী কাৰ্যসূচীৰ পিছত জিলা উপায়ুক্তৰ জৰিয়তে অসমৰ মুখ্যমন্ত্ৰী লৈ এখন স্মাৰক পত্ৰ প্ৰদান কৰে জিলা এছ ইউ চি আইয়ে ।
লগতে পঢ়ক:মুখ্যমন্ত্ৰীৰ প্ৰধান সচিব পদত বহিব কোন !
