ধেমাজি, ১১ মাৰ্চঃ সোমবাৰে ধেমাজি গ্ৰামোন্নয়ন অভিকৰণ প্ৰেক্ষাগৃহত আয়োজিত কৰা হয় এক সংবাদমেলত ধেমাজি জিলা উপায়ুক্ত মানবেন্দ্ৰ সিঙে সদৰি কৰা মতে ১১ এপ্ৰিল ত অনুষ্ঠিত লোকসভা নিৰ্বাচনত ধেমাজি সমষ্টিত ২৩৫৯৮৬ ভোটাৰে ভোটদান সাৱ্যস্ত কৰিব । ইয়াৰে পুৰুষ ভোটাৰ ১১৯৯৩৩ জনৰ বিপৰীতে মহিলা ভোটাৰ ১১৬০৫৩ জন । সমষ্টি টোত ২৮১ টা ভোটকেন্দ্ৰৰ ভিতৰত দুটা সমস্যা যুক্ত , ১৩০ টা স্পৰ্শকাতৰ ,আৰু ৪৫ টা ভোটকেন্দ্ৰ অতি স্পৰ্শকাতৰ হিচাবে প্ৰশাসনে চিহ্নিত কৰিছে । ইপিনে সমষ্টিত চৰকাৰী কমচাৰী ভোট ৭৪৪ টা , আৰু ডি ভোটাৰ ৫৯৫ টা বিপৰীতে দিব্যাংগ ৰ ভোটাৰ হ'ল ৭৫৮ টা । ইপিনে সমষ্টিটোত এইবাৰ মুঠ ১৫ টা ভোটকেন্দ্ৰ ত থাকিব ৱেব কাষ্টিংৰ ব্যৱস্থা ।
ইফালে সংবাদমেলত অংশগ্ৰহণ কৰি ধেমাজিৰ আৰক্ষী অধীক্ষক ৰাকেশ ৰেড্ডীৰে জনোৱা মতে ধেমাজি সমষ্টিৰ প্ৰতিটো ভোটকেন্দ্ৰত এগৰাকী কনিষ্টবল আৰু হোমগাডক নিৰাপত্তাৰ দায়িত্ব ন্যস্ত কৰা ৰ উপৰিও সমগ্ৰ দিশ চোৱা চিতাৰ বাবে সমষ্টিটোত প্ৰায় ১৫ টা নিৰাপত্তা কোম্পানী নিয়োগ কৰা হ'ব ।
