পশ্চিম বিলাসীপাৰা, 20 ফেব্ৰুৱাৰী : শনিবাৰে দুপৰীয়া বিলাসীপাৰা ৰাজহুৱা খেলপথাৰত বিলাসীপাৰা আৰু চাপৰ- শালকোচা ব্লক কংগ্ৰেছৰ যৌথ উদ্যোগত অনুষ্ঠিত হয় বিশাল বুথ সংকল্প শিবিৰ। বুথ সংকল্প শিবিৰত কংগ্ৰেছ দলৰ শ শ বুথ পৰ্যায়ৰ কংগ্ৰেছী কৰ্মকৰ্তা সকলক প্ৰশিক্ষণ প্ৰদান কৰে কংগ্ৰেছ দলৰ ছত্তিশগড়ৰ বিশিষ্ট প্ৰশিক্ষক উত্তম বাসুদেৱে।
সভাত প্ৰাক্তন মন্ত্ৰী ওৱাজেদ চৌধুৰীয়ে কয় যে, 21 ৰ বিধান সভা নিৰ্বাচনত বিজেপিয়ে খুব বেছি ২০ খনহে আসন পাব ৷ বিজেপিৰ 100+ শ্ল'গান গছত গৰু উঠা কথা বুলি কটাক্ষ কৰে চৌধুৰীয়ে ৷
চৌধুৰীৰ উপৰি সভাত উপস্থিত থাকে প্ৰদেশ কংগ্ৰেছৰ সম্পাদক তথা বিলাসীপাৰাৰ যুৱ নেতা অমৃত বাদশা, ধুবুৰী জিলা কংগ্ৰেছৰ সভাপতি উত্তম কুমাৰ সৰকাৰৰ লগতে 27 নং পূৱ বিলাসীপাৰা সমষ্টিৰ কংগ্ৰেছৰ সকলো টিকট প্ৰত্যাশী আৰু কংগ্ৰেছৰ বিভিন্ন পৰ্যায়ৰ নেতা-কৰ্মচাৰী সকল ৷
লগতে পঢ়ক : আলফাৰ সেনাধ্যক্ষ পৰেশ বৰুৱালৈ জুবিনৰ আহ্বান
