বিলাসীপাৰা,৩০ এপ্ৰিলঃ বিলাসীপাৰা আঞ্চলিক ছাত্ৰ সন্থাই মঙলবাৰে বিহুৰ আমন্ত্ৰণ জনাবলৈ যোৱা ছাত্ৰ সন্থাৰ বিষয়ববীয়াক অপমান কৰাৰ অভিযোগত চক্ৰ বিষয়া ছৰফৰাজ হকৰ বিৰুদ্ধে উত্তাল প্ৰতিবাদ সাব্যস্ত কৰে। বিলাসীপাৰা চহৰৰ মূল পথ অৱৰোধ কৰি উত্তাল পৰিস্থিতিৰ সৃষ্টি কৰে ছাত্ৰ সন্থাৰ সদস্যসকলে। আঞ্চলিক ছাত্ৰ সন্থাৰ লগতে অসম জাতীয়তাবাদী যুৱ ছাত্ৰ পৰিষদ আৰু গৰিয়া মৰিয়া দেশী জাতীয় পৰিষদেও পথ অৱৰোধত অংশগ্ৰহণ কৰি প্ৰতিবাদ সাব্যস্ত কৰে৷ চক্ৰ বিষয়াজনক নিলম্বনৰ দাবীৰে বিভিন্ন শ্ল'গানেৰে প্ৰতিবাদস্থলী উত্তাল কৰি তুলে প্ৰতিবাদকাৰীয়ে |
বিলাসীপাৰা আঞ্চলিক ছাত্ৰ সন্থাৰ প্ৰতিবাদ
ইয়াৰ ফলত ব্যস্ত পথছোৱাত শ-শ যান বাহন আৱদ্ধ হৈ পৰাত আৰক্ষী, চিআৰপিএফ আৰু মহকুমা দণ্ডাধীশ উপস্থিত হৈ ঘটনাৰ তদন্ত কৰাৰ লগতে উচিত ব্যৱস্থা গ্ৰহণৰ আশ্বাস প্ৰদান কৰাতহে অৱৰোধ কাৰ্যসূচী প্ৰত্যাহাৰ কৰা হয়।
