বিলাসীপাৰাত নৈৰ সুঁতিত সন্ধানহীন যুৱক

গোলাপ উদ্দিন আলীয়ে নৈৰ সুঁতিখনৰ কাষেৰে কৃষি পথাৰলৈ গৈ থকা অৱস্থাত সুঁতিখন গৰা খহী প্ৰৱল সোঁতত উটি যায় ভাতৃদ্বয় ৷

পশ্চিম বিলাসীপাৰা, 11জুলাইঃ বিলাসীপাৰাৰ কছলতটাৰীত শনিবাৰে সংঘটিত হৈছে এক শোকাৱহ ঘটনা ৷ হেল নৈৰ সুঁতিৰ কোবাল সোঁতত সন্ধানহীন এজন যুৱক ৷ সন্ধানহীন যুৱকজন কছলতটাৰী গাঁৱৰ গোলাপ উদ্দিন আলী (২৫) বুলি জানিব পৰা গৈছে ৷ ইপিনে নিজ ভাতৃৰ সৈতে কৃষি পথাৰত কাম কৰিবলৈ যাওতে উক্ত ঘটনাতো সংঘটিত হয় ৷ নৈৰ সুঁতিখনৰ কাষেৰে কৃষি পথাৰলৈ গৈ থকা অৱস্থাত সুঁতিটোৰ গৰা খহি প্ৰৱল সোঁতত উটি যায় ভাতৃদ্বয় ৷

ইপিনে ঘটনাতো সংঘটিত হোৱাৰ পিছতেই স্থানীয় ৰাইজে অভিযান চলাই জীৱন্তে উদ্ধাৰ কৰে গোলাপ উদ্দিনৰ ডাঙৰ ভাতৃ ছপিজুল আলী কিন্তু সুঁতিৰ প্ৰৱল সোঁতত সন্ধানহীন হৈ পৰে গোলাপ উদ্দিন ৷ পৰৱৰ্তী সময়ত ঘটনাস্থলীত উপস্থিত হয় ৰাণীগঞ্জ আৰক্ষীৰ লগতে SDRF বাহিনীৰ দল ৷ সম্প্ৰতি উদ্ধাৰকাৰী দলটোৱে সুঁতি খনত উদ্ধাৰ অভিযান অব্যাহত ৰাখিছে বুলি জানিব পৰা গৈছে ৷

লগতে পঢ়কঃ COVID-19: বদৰুদ্দিন "নিগেটিভ",চিৰাজুদ্দিন "পজিটিভ"