গৌৰাং নৈত উদ্ধাৰ অচিনাক্ত অৰ্ধগলিত মৃতদেহ

বিলাসীপাৰাৰ গৌৰাং নৈত শনিবাৰে বিয়লি উদ্ধাৰ হয় এটা অৰ্ধগলিত মৃতদেহ | ৰাইজৰ খবৰৰ ভিত্তিত ঘটনাস্থলীত আৰক্ষী উপস্থিত হৈ উদ্ধাৰ কৰে মৃতদেহ ৷

বিলাসীপাৰা, 27 জুলাইঃ বিলাসীপাৰা আৰক্ষী থানাৰ অন্তৰ্গত ছুৱাপাতা ৪ৰ্থ খণ্ড গাঁৱত গৌৰাং নৈত শনিবাৰে উদ্ধাৰ হয় এটা অচিনাক্ত অৰ্ধগলিত মৃতদেহ ৷ নৈখনৰ পাৰত উপস্থিত থকা স্থানীয় ৰাইজে প্ৰত্যক্ষ কৰে মৃতদেহটো | ৰাইজৰ খবৰৰ ভিত্তিত ঘটনাস্থলীত উপস্থিত হয় বিলাসীপাৰা আৰক্ষী দল | গাঁওখনৰ কাষেৰে বৈ যোৱা গৌৰাং নৈৰ পাৰত মৰাপাট খেতি পথাৰৰ কাষৰ পৰা আৰক্ষীয়ে অৰ্ধগলিত মৃতদেহটো উদ্ধাৰ কৰে |
মৃতদেহটো পুৰুষৰ বুলি জানিব পৰা গৈছে যদিও এই পৰ্যন্ত মৃতদেহটোৰ পৰিচয় জানিব পৰা হোৱা নাই ৷ গৌৰাং নৈৰ বাঢ়নী পানীত মৃতদেহটো উটি অহাৰ সন্দেহ প্ৰকাশ কৰিছে স্থানীয় ৰাইজে | আৰক্ষীয়ে মৃতদেহটো উদ্ধাৰ কৰি বিলাসীপাৰা থানা লৈ অধিক অনুসন্ধানৰ বাবে লৈ যায় | উক্ত ঘটনাই অঞ্চলটোত ব্যাপক চাঞ্চল্যৰ সৃষ্টি কৰিছে |

গৌৰাং নৈত উদ্ধাৰ অচিনাক্ত অৰ্ধগলিত মৃতদেহ