বিলাসীপাৰাতো আমছুৰ প্ৰতিবাদঃ আপত্তি দৰ্শোৱাৰ নামত ৰাইজক অযথা হাৰাশাস্তি বন্ধ কৰক

NRC প্ৰক্ৰিয়াত অযথা আপত্তি দৰ্শাই হাৰাশাস্তি কৰাৰ অভিযোগত বিলাসীপাৰা আমছুৱে ৰূপায়ন কৰে প্ৰতিবাদী কাৰ্যসূচী | আপত্তি দৰ্শোৱাৰ নামত ৰাইজক অযথা হাৰাশাস্তি বন্ধ কৰাৰ দাবী বিলাসীপাৰা জিলা আমছুৰ ৷

বিলাসীপাৰা, 13 মে': বিলাসীপাৰাতো সোমবাৰে জিলা আমছুৱে পালন কৰে দুঘন্টীয়া অৱস্থান ধৰ্মঘট । বিলাসীপাৰা মহকুমাধিপতিৰ কাৰ্যালয়ৰ সন্মুখত পালন কৰা হয় অৱস্থান ধৰ্মঘট | NRC উন্নীতকৰণ প্ৰক্ৰিয়াত প্ৰকৃত ভাৰতীয়ৰ নামত অযথা আপত্তি দৰ্শোৱাই হাৰাশাস্তি কৰাৰ অভিযোগত ছাত্ৰ সংগঠনটোৱে হাতত লয় এই প্ৰতিবাদী কাৰ্যসূচীৰ | ৰাইজক অযথা হাৰাশাস্তি বন্ধ কৰাৰ দাবী বিলাসীপাৰা জিলা আমছুৰ |

আনহাতে ১৯৭১ চনৰ ২৪ মাৰ্চৰ পিচত অহা সকলো বিদেশীকে বৰ্জন কৰি বিদেশীমুক্ত এখন শুদ্ধ NRC প্ৰস্তুত কৰাৰো দাবী তোলে প্ৰতিবাদী ছাত্ৰ নেতা সকলে ৷ অৱস্থান ধৰ্মঘট কাৰ্যসূচীৰ পিচতে বিলাসীপাৰাৰ মহকুমাধিপতিৰ জৰিয়তে ধুবুৰী জিলা নাগৰিক পঞ্জীয়কলৈ এক স্মাৰক পত্ৰও প্ৰেৰণ কৰে প্ৰতিবাদকাৰীসকলে |