ধুবুৰী, 27 মেঃ লকডাউনৰ মাজত ভাৰত বাংলাদেশ সীমান্তত আটক হয় গৰু সহ দুই গৰু সৰবৰাহকাৰী । ধুবুৰীৰ ভাৰত বাংলাদেশ সীমান্তৰ নালীয়াত গৰু সহ দুই গৰু সৰবৰাহকাৰী আটক কৰে সীমান্ত সুৰক্ষা বাহিনীয়ে ৷ ইতিমধ্যে সুৰক্ষা বাহিনীয়ে আটক কৰি গতাই দিয়ে নালিয়া আৰক্ষীক । অবৈধভাৱে বাংলাদেশলৈ গৰু সৰবৰাহ কৰাৰ সময়তেই আটক কৰে সীমান্ত সুৰক্ষা বাহিনীয়ে । ধৃত সৰবৰাহকাৰী দুই নালিয়া গাঁৱৰ ছোলেমান আলী আৰু ফিৰদ্দুছ আলী বুলি চিনাক্ত কৰা হৈছে ।
ঘটনা অনুসৰি বুধবাৰে পুৱতি নিশা ভাৰত বাংলাদেশ সীমান্তৰ কেদাৰেৰে তিনিটাকৈ গৰু বাংলাদেশলৈ সৰবৰাহৰৰ প্ৰচেষ্টা চলায় ধৃত দুই সৰবৰাহকাৰীয়ে । সীমান্ত সুৰক্ষা বাহিনীয়ে দুই সৰবৰাহকাৰীক আটক কৰাৰ লগতে এটা গৰু জব্দ কৰিবলৈ সক্ষম হয় । তাৰোপৰি আন দুটা গৰু এৰাল পৰি গাঁৱৰ মাজলৈ সোমাই যায় বুলি জানিবলৈ পোৱা গৈছে ৷ ইতিমধ্যে সীমান্তত গৰুৰ সৰবৰাহৰ ঘটনাই সৃষ্টি কৰিছে তীব্ৰ চাঞ্চল্যৰ ।
লগতে পঢ়ক-প্ৰতি ঘণ্টাত ৫ ছেন্টিমিটাৰকৈ বৃদ্ধি ব্ৰহ্মপুত্ৰৰ জলস্তৰ
