মহিলা সমিতিৰ উদ্যোগত মফচলীয়া সাংবাদিকক সম্বৰ্ধনা

কৰ'ণাৰ আতংকময় পৰিৱেশত প্ৰতিদিনেই নিজ অঞ্চলৰ বা-বাতৰি পৰিৱেশন কৰি অহাৰ বাবে মংগলবাৰে ধেমাজি প্ৰেছ ক্লাৱৰ সংবাদকৰ্মীক সম্বৰ্ধনা জনোৱা হয় ৷ জিলা মহিলা সমিতিৰ তৰফৰ পৰা ফুলাম গামোছা আৰু মাস্কৰে সম্বৰ্ধনা জনোৱা হয় প্ৰতিগৰাকী সংবাদকৰ্মীক ৷

ধেমাজি, 5 মে' : কৰ'ণা মহামাৰীৰ সময়ত সাংবাদিকে প্ৰতিদিনেই জনসাধাৰণক সত্য আৰু শুদ্ধ সংবাদ দিবলৈ অহৰহ চেষ্টা চলাই আহিছে ৷

নিজৰ জীৱনৰ কথা চিন্তা নকৰি গাম্যঞ্চলত নিয়োজিত প্ৰতিজন মফচলীয়া সাংবাদিকে কৰ'ণাৰ আতংকময় পৰিৱেশত প্ৰতিদিনেই অব্যাহত ৰাখিছে নিজৰ কৰ্ম ৷

কৰ'ণাৰ হকে এখোজ আগুৱাই গৈ পুনৰ নতুন উৎসাহ-উদ্দীপনাৰে নিজৰ কাম কৰিবলৈ উৎসাহ যোগোৱাৰ উদ্দেশ্যে মংগলবাৰে ধেমাজি প্ৰেছ ক্লাৱৰ সংবাদকৰ্মী সকলক ধেমাজি জিলা মহিলা সমিতিৰ ফালৰ পৰা সম্বৰ্ধনা জনোৱা হয় ৷

প্ৰতিগৰাকী সংবাদকৰ্মীক একোখন ফুলাম গামোছা আৰু মাস্কৰে সম্বৰ্ধনা জনাই জিলা মহিলা সমিতিৰ বিষয়ববীয়াসকলে ৷

লগতে পঢ়ক : লক্ ডাউন : বৃহৎ ক্ষতি পূৰাবলৈ অসম পৰ্যটনে কৰিছে নতুন পৰিকল্পনা !