ধেমাজি,26 মেঃ সমগ্ৰ ৰাজ্যত কৰ'ণা ভাইৰাছত আক্ৰান্ত লোকৰ সংখ্যা বৃদ্ধিৰ লগে লগে চৰকাৰ প্ৰশাসনৰ লগতে স্বাস্থ্য বিভাগ অধিক তৎপৰ হৈ পৰিছে ৷ ইতিমধ্যে চৰকাৰ প্ৰশাসনে জাৰি কৰিছে কেত বোৰ নীতি-নিৰ্দেশনা ৷ ঠিক একেদৰে ধেমাজিতো অধিক তৎপৰ হৈ পৰিছে জিলা প্ৰশাসন ৷ চাৰিগৰাকীকৈ লোকৰ শৰীৰৰত কোভিড-১৯ চিনাক্ত হোৱাৰ পিছত হাহাকাৰ লাগিছে ধেমাজি জিলা প্ৰশাসনৰ মাজত ।
ইতিমধ্যে প্ৰশাসনে লক ডাইন সন্দৰ্ভত সকলো ৰাইজক মাস্ক পিন্ধাটো বাধ্যতামূলক কৰিছে প্ৰশাসনে । সেয়ে কঠোৰ হৈ পৰিছে আৰক্ষী প্ৰশাসন । এতিয়াৰে পৰা ধেমাজিত যিকোনো ব্যক্তি ঘৰৰ বাহিৰলৈ ওলালেই মাস্ক পৰিধান কৰাতো বাধ্যতামূলক কৰিছে । লগতে সামাজিক দূৰত্ব মানি চলাটো অত্যন্ত জৰুৰী হিচাপে বিবেচনা কৰিছে । এনে নিয়ম অমান্য কৰাসকলৰ বিৰুদ্ধে এইবাৰ অধিক কঠোৰ পদক্ষেপ গ্ৰহণ কৰিব বুলি সাংবাদিকৰ আগত সদৰি কৰে ধেমাজি জিলা আৰক্ষী অধীক্ষক ডা0 ধনঞ্জয় ঘানাৱাটে ।
