জোনাই, 22 ডিচেম্বৰ: 1971 চনত জন্মলাভ কৰা মিচিং সকলৰ একমাত্ৰ ছাত্ৰ সংগঠন সদৌ মিচিং ছাত্ৰ সন্থা (টি এম পি কে)ই সোণালী জয়ন্তী বৰ্ষত ভৰি দিছে ৷ টিএমপিকেৰ সোণালী জয়ন্তী বৰ্ষ উপলক্ষে জোনাই উচ্চতৰ মাধ্যমিক বিদ্যালয় খেল পথাৰত আয়োজিত কৰা ভলীবল প্ৰতিযোগিতাৰ চূড়ান্ত খেল জোনাই কৃষ্টি ভৱনৰ প্ৰাংগণত অনুষ্ঠিত কৰা হয় ৷ চূড়ান্ত খেলখনত জোনাই টাউন বাংকেক পৰাস্ত কৰি জোনাই আনৌ বিল্লামে বিজয়ী দলৰ খিতাপ অৰ্জন কৰে ৷
টিএমপিকে ৰ সোণালী জয়ন্তী বৰ্ষ উপলক্ষে জোনাইত মুঠ 15 খন আঞ্চলিকৰ মাজত জোনাই কৃষ্টি ভৱনৰ প্ৰাংগনত ভলীবল প্ৰতিযোগিত খনি অনুষ্ঠিত হয় ৷ জোনাইৰ আৰক্ষী বিষয়া ঋতুৰাজ দলেয়ে উদ্বোধন কৰা কৰা ভলীবল প্ৰতিযোগিতাৰ চূড়ান্ত খেলখন অৱসৰপ্ৰাপ্ত অতিৰিক্ত উপায়ুক্ত হলিৰাম পেগুৱে শুভ উদ্বোধন কৰে ৷ উক্ত উদ্বোধনী অনুষ্ঠানত জোনাইৰ ৰাজহ বিষয়া লম্বিত হাজৰিকা,টি এম পি কেৰ সভাপতি মিগাং ৰাজকুমাৰ মৰাং,কেন্দ্ৰীয় কাৰ্যনিৰ্বাহক সদস্য পংকিল পাতিৰ,জোনাই জিলা টিএমপিকেৰ সভাপতি কান্দা টায়েং, অৱসৰ প্ৰাপ্ত আৰক্ষী বিষয়া সুৰুজ দলে,জোনাই পঞ্চায়তৰ সভাপতি জয়ন্ত বৰি,টি এম পি কে ৰ কেন্দ্ৰীয় সদস্য তুষাৰ ঙাতেৰ লগতে টি এম পি কেৰ কৰ্মকৰ্তা সকল উপস্থিত থাকে ৷
উল্লেখ্য যে বছৰজোৰাকৈ বৰ্ণাঢ্য আৰু বিস্তৃত কাৰ্যসূচীৰে টিএমপিকেৰ সোণালী জয়ন্তী বৰ্ষ উদযাপন কৰা হ'ব ৷ জোনাই, ঢকুৱাখানা , মাজুলী , চিলাপথাৰ আৰু গোগামুখত উদযাপন হ'ব লগীয়া এই উদযাপনৰ আৰম্ভণি জোনাইৰ পৰা কৰা হয় ৷
লগতে পঢ়ক:জোনাইত পথ দুৰ্ঘটনাত কথমপি প্ৰাণ ৰক্ষা দুই বাইক আৰোহীৰ
